Dövlət vəsaitlərindən qeyri-səmərəli istifadə olunur; istehsal artmır, idxal artır

Hesablama Palatası 2022-2025-ci illəri əhatə edən bitkiçilik sahəsində dövlət dəstəyinin səmərəliliyinin və nəticəliliyinin qiymətləndirilməsinin auditi nəticəsində Kənd Təsərrüfatı Nazirliyi, Aqrar Kredit və İnkişaf Agentliyi (AKİA) və Aqrar Subsidiya Şurasının fəaliyyəti ilə bağlı bir sıra ciddi maliyyə pozuntuları və uyğunsuzluqlar aşkar edib.

Son illər Azərbaycanda soğan istehsalında ciddi artım müşahidə edilir. Bununla yanaşı, fermerlər məhsulun yetişdirilməsində, saxlanmasında və satışında ciddi çətinliklərlə qarşılaşırlar. Bu vəziyyət uzun illərdir ki, davam edir. Əldə edilən məhsulu saxlamaq üçün ölkədə anbarların sayı çox olsa da, anbarların bir çoxu kənd təsərrüfatı məhsullarının saxlanması üçün lazımi avadanlıqlarla təchiz olunmayıb. Bu səbəbdən də məhsulun bir hissəsi həmin anbarlarda xarab olur, çürüyür.

Kənd təsərrüfatı istehsalında mülayim artıma baxmayaraq, Azərbaycan ərzaq qiymətləri üzərində artan təzyiqlə üzləşir ki, bu da iqtisadiyyatın idxaldan davam edən asılılığını və daxili təklifin məhdud imkanlarını əks etdirir.

Ərzaq təhlükəsizliyinin təmin edilməsi dövlətin üzərinə düşən əsas vəzifələrdəndir. Hökumətlər ərzaq məhsullarının istehsalını, paylanmasını, keyfiyyətini, tədarükünü tənzimləyir və dayanıqlığının təmin edilməsi üçün zəruri tədbirlər həyata keçirirlər. Ərzaq təhlükəsizliyi ölkənin əsas yeyinti məhsullarına və içməli suya olan ehtiyaclarının daxili istehsal hesabına təmin edilməsi, əlavə olaraq isə 20 faiz dövlət ehtiyatlarının yaradılması deməkdir.