Azərbaycan-Rusiya sərhəddində yeni körpü açılıb

Bakı/24.12.19/Turan: Çərşənbə axşamı Azərbaycan-Rusiya sərhəddində Samur çayı üzərində yeni avtomobil körpüsünün istifadəyə verilməsi mərasimi keçirilib.

Mərasimdə Azərbaycan baş nazirinin müavini Şahin Mustafayev, RF iqtisadi inkişaf naziri Maksim Oreşkin və Dağıstan başçısı Vladimir Vasilyev iştirak ediblər.

Ş.Musafayev qeyd edib ki, yeni körpünün istifadəyə verilməsi xalqlar arasında əlaqələrin möhkəmlənməsinə və əmtəə dövriyyəsinin artmasına kömək edəcək. Körpü həmçinin Şimal-Cənub layihəsinin vacib hissəsidir.

Eyni layihədəki mühüm bir əlaqə

Yeni Bakı-Rusiya sərhəddi yolu həmin layihənin mühüm halqası olacaq. Onun tikintisi yaxın vaxtlarda başa çatacaq.

Ş.Mustafayevin sözlərinə görə, bu ilin 11 ayında Şimal-Cənub marşrutu ilə yük axını 60%, Şərq-Qərb marşrutu ilə 53% artıb.

Öz növbəsində M.Oreşkin qeyd edib ki, bu il Azərbaycanla əmtəə dövriyyəsinin artım tempi 25% təşkil edib. “Heç bir ölkə ilə belə bir artım tempi yoxdur”, - o deyiib.

Yeni körpünün uzunluğu 325,3 m., eni 17,3 m.-dir. Azərbaycan ərazisində tikintinin dəyəri 36,5 mln. manatdır (21,5 mln dollar) -06D-