Jurnalist və fəal Elçin Həsənzadə həbs təhlükəsinin olduğunu bildirib

Bakı/22.04.20/Turan:  Jurnalist və Azərbaycan Xalq Cəbhəsi Partiyasının üzvü Elçin Həsənov özünə qarşı həbs təhlükəsi olduğunu bildirib.

“Bu gün Xəzər Rayon Polis İdarəsinin əməliyyatçısı mənə zəng vurdu və təkidlə bildirdi ki, polisə gəlmək lazımdır. Zəngin səbəbləri barədə soruşdum. Müxtəlif bəhanələr uydurmağa başladı. Dedim ki, polisə çağırış barədə bildiriş göndərsinlər. Sonradan mənə JEK-dən zəng etdilər və təcili olaraq bu kontora çağırdılar”, - E.Həsənzadə Facebook səhifəsində yazıb. O zəng edən şəxsin telefon nömrəsini də qeyd edib.

E.Həsənzadə son günlər müxalifət fəallarının kütləvi həbslərini nəzərə alaraq özünün həbs olunacağından ehtiyat edir.

Hələlik DİN-dən şərh almaq mümkün olmayıb.

Son günlər 10-a yaxın AXCP fəalı karantin rejimini pozduğuna və polisə tabe olmamağa görə inzibati qaydada həbs edilib.

E.Həsənzadə bundan öncə də ictimai, hüquq-müdafiə və jurnalist fəaliyyətinə görə təqib edilib və islah işlərinə məhkum edilib.

E.Həsənzadə “Yüksəliş Naminə” saytının əməkdaşı və Sumqayıt Gənclərinin Hüquqi Maarifləndirilməsi” QHT rəhbərinin müavinidir.06В-