Novruz Məmmədov Lidinqtona cavab verib

Rəsmi Bakı jurnalist Xədicə İsmayılova barəsində hökmdən sonra hakimiyyətə qarşı yönəlmiş misli görünməmiş beynəlxalq tənqidə cavab verməyə çalışır.

Həmişə olduğu kimi, rəsmi Bakı nümayəndələri özlərinə xas üslubda cavab verərək, göz önündəki faktları inkar edirlər.

Prezident Administrasiyası rəhbərinin müavini Novruz Məmmədov qeyri-adi bacarıqları ilə xüsusilə fərqlənir.

Belə ki, “Azərtac”a Britaniyanın Avropa işləri üzrə naziri Devid Lidinqtonun kifayət qədər təmkinli bəyanatına cavab verən Novruz Məmmədov onu ikiüzlülükdə, məlumatsızlıqda, qərəzli və məkrli olmaqda, Azərbaycanın daxili işlərinə müdaxilədə ittiham edib.

“Azərbaycan müstəqil daxili və xarici siyasəti olan dövlətdir, onun daxili işlərinə qarışaraq qərəzli bəyanatlar verməyə heç kimin hüququ yoxdur”, deyən Novruzov Lidinqtonu səmimi olmamaqda ittiham edib.

Öz növbəsində, XİN-in mətbuat katibi Hikmət Hacıyev ABŞ Dövlət Departamentinin, Böyük Britaniyanın Avropa işləri üzrə nazirinin, Avropa İttifaqının və digər qərb təşkilatlarının bəyanatlarını şərh edərkən məhkəmənin işinə müdaxiləni, Xədicə İsmayılova barəsində hökmün siyasiləşdirilməsini “qəbuledilməz” adlandırıb.

“XİN dəfələrlə bildirib ki, Azərbaycanda məhkəmə hakimiyyətinin müstəqilliyi və qanunun aliliyi tamamilə təmin edilir. -16/02D-