Abbas Hüseynovun vəkilləri ona qarşı işgəncələrlə bağlı şikayətlə məhkəməyə müraciət ediblər
Bakı/11.08.17/Turan: "Müsəlman Birliyi" Hərəkatının fəalı Abbas Hüseynovun vəkilləri Qobustan həbsxanasında ona qarşı işgəncələrlə bağlı Qaradağ rayon məhkəməsinə şikayətlə müraciət ediblər.
Bu barədə Turan-a vəkil Yalçın İmanov bildirib.
Müdafiə tərəfi Hüseynovun Avropa İnsan Hüquqları Konvensiyasının 3-cü (işgəncələrin qadağan edilməsi) maddəsində zəmanət verilmiş hüquqlarının pozulduğunun tanınması, təcili məhkəmə-tibbi ekspertiza keçirilməsi haqqında məsələ qaldırır.
Vəkillər həmçinin Hüseynovun özünün məhkəmədə iştirak etməsində israr edir.
İmanov bundan əvvəl işgəncələrin araşdırılması xahişi ilə Baş Prokurorluğa, Penitensiar Xidmətə və Ombudsman Aparatına müraciət edib, amma hələlik heç bir cavab almayıb.
Avqustun 8-də İmanov Qobustan həbsxanasında müvəkkilinə baş çəkib. Hüseynov vəkilə iyulun 22-də Qobustan həbsxanasına köçürüldükdən sonra ona qarşı sistemli şəkildə işgəncələr olduğunu bildirib.
Penitensiar Xidmətdə Hüseynova qarşı işgəncələr haqqında məlumatı təkzib ediblər.
Abbas Hüseynov 2015-ci ilin noyabrında Nardaranda xüsusi əməliyyat zamanı həbs edilib. 2017-ci ilin yanvarında məhkəmə onu ağır cinayətlər törətmək - konstitusiya quruluşunu dəyişdirməyə cəhd, terrorçuluq, qətl və s. ittihamları ilə 20 il müddətinə azadlıqdan məhrumetmə cəzasına məhkum edilib. -06B-
Cəmiyyət
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
-
Cümə günü saat 11:00-a yaxın minik avtomobili Nərimanov metro stansiyasının yaxınlığındakı World Telecom mağazasına çırpılıb.
Rəy yaz