“Ehtiyatda və İstefada olan Zabitlər” (EİZB) ictimai birliyi cümə günü öz ofisində “Atəşkəs dövründə həlak olan hərbçi ailələrinə dövlət qayğısı: problemlər və perspektivlər” mövzusunda dəyirmi masa kecirib. Tədbir “Təhlükəsizlik və müdafiə sektorunda insan hüquqlarının müdafiəsinə dəstək” layihəsi çərçivəsində icra olunub.Tədbirə Müdafiə Nazirliyinin Tərbiyəvi İşlər, Hüquq idarələrinin, hərbi yönümlü QHT-lərin təmsilçiləri və atəşkəs dövründə həlak olan hərbi qulluqçuların ailə üzvləri qatılıblar.
Atəşkəs dövründə həlak olan hərbi qulluqçuların ailələrinin sosial-hüquq müdafiəsinin gücləndirilməsi sahəsində həyata keçirilən dövlət siyasətinin prioritetləri, mövcud durum, ortaya çıxan problem və çətinliklər haqda müzakirələr aparılıb.
Müzakirələrdən sonra EİZB atəşkəs dövründə həlak olan hərbi qulluqçuların ailələrinin sosial-hüquq müdafiəsinin gücləndirilməsinə dair təklifləri açıqlayıb. Bu təkliflər sırasında layiqli dəfn və yas mərasimlərinin təşkililə bağlı qanunvericilik aktlarının qəbul edilməsi, hərbçinin ailə üzvlərinə dövlət səviyyəsində rəsmi baş sağlığının verilməsi, yas mərasimində icra qurumları, deputat və ictimaiyyət nümyəndələrinin iştirakı kimi təkliflər yer alır. Bundan əlavə, şəhid olan hərbçinin ailə üzvlərinin sosial problemlərinin dövlət səviyyəsində həlli, ədalətli araşdırma məqsədilə istintaq işinin baş prokurorun nəzarətinə götürülməsi, hərbi qulluqçuların yaşamaq hüququnun təmin edilməsi məqsədilə ildə 1 (bir) dəfədən az olmayaraq Ombudsmanın ölümlə sonuclanan hər bir hadisənin araşdırılması və hesabat hazırlanması təklifləri də bu sırada yer alır. Bununla yanaşı, səbəbindən asılı olmayaraq döyüş bölgələrində xidməti vəzifələrinin yerinə yetirdiyi zaman dünyasını dəyişmiş bütün hərbi qulluqçulara “Səhid” statusunun verilməsi, sığorta pulunun ödənilməsi, sığorta pulunun məbləğinin 100.000 (yüz min) manatadək və dünyasını dəyişən hərbi qulluqçunun vəzivə və rütbəsinə uyğun olaraq daha yüksək məbləğdə müəyyən edilməsi, bu ailələrin varisləri tərəfindən Ermənistana qarşı iddia tələbi ilə çıxış etmək üçün dövlət dəstəyinin təşkil edilməsi, birləşmək hüququnun təmin edilməsi üçün təsis etdikləri QHT-lərin dövlət qeydiyyatına alınması təklifləri irəli sürülür. -05D-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz