Axalkalaki erməniləri Gürcüstan-Azərbaycan münasibətlərinə gərginlik qatdılar

Gürcüstanda Axalkalaki erməniləri tərəfindən dərc edilən jnews.ge saytında yanvarın 20-də Gürcüstanın erməni əhalisinin yaşadığı kənddə Qarabağ müharibəsi iştirakçısı Avaqyana və Xocalı qətliamının iştirakçısına qoyulan büstün açılması barədə dünənki məqalə Azərbaycan ictimaiyyətində antigürcü əhval-ruhiyyəsi yaradıb. Hadisə yerindən çəkilən fotolarda Ermənistanın bayrağı görünür, Gürcüstanın bayrağı yoxdur. Tədbir iştirakçıları yerli və Tbilisi hakimiyyətindən nümayəndələrdir. Ermənistanın Gürcüstandakı səfiri də dəvət olunub.

"Buqaşendə müharibə iştirakçısına abidə qoyuldu" adlı məqalədə deyilir ki, "Dağlıq Qarabağda müharibə başlayanda Mixail Avaqyan Horadiz, Xocalı, Hadrut və Füzuli döyüşlərində iştirak edib və "Kobra" ləqəbi ilə tanınıb. Azərbaycan dilini bilməsi kəşfiyyat işlərində ona kömək edib. Horadizdə körpü uğrunda döyüşlər zamanı snayper tərəfindən yaralanıb. Xəstəxanaya aparılarkən yolda ölüb.

Buqaşen kəndində Mixail Avaqyanın abidəsinin hələ 1997-ci ildə köhnə qəzalı məktəbin həyətində olması barədə məlumat xüsusi maraq doğurur. Abidənin dəyişdirilməsi barədə qərara köhnə abidənin təsadüfən zədələnməsi olub. Əgər sayt 2019-cu il yanvarın 20-də keçirilən tədbir barədə məlumat verməsəydi Azərbaycanda bizim soydaşlarımızın qatilinin abidəsindən xəbərləri olmazdı.

Turan-ın müxbiri Gürcüsan səfirliyindən və Azərbaycan XİN-dən şərh ala bilməyib. Tbilisi KİV də Buqaşen kəndində baş verənlərə reaksiya verir və Bakıya telefon edir. Deputat Rasim Musabeyovin "Rustavi-2" telekanalının suallarını cavablandırarkən Gürcüstan hakimiyyətinin və hakim partiyanın mövqeyindən təəccübləndiyini bildirib. Axı Gürcüstan özü Abxaziya və Cənubi Osetiyada separatizmdən əziyyət çəkir. Axalkalakidə də erməni separatizmi təzahür edir. "Gürcüstan hökuməti prinsipial və ardıcıl olaraq Dağlıq Qarabağda separatizmi pisləyib və Abxaziya və Cənubi Osetiyada separatizmlə bağlı Bakıdan adekvat dəstək alıb. Axalkalakidə təxribat aksiyası Azərbaycan-Gürcüstan münasibətlərinə istilik əlavə etməyəcək və Axalkalaki ermənilərini Tbilisi və Bakı arasında strateji tərəfdaşlığa zərbə vurmaq məqsədilə digər təxribat hərəkətlərinə sövq edə bilər. Belə gedərsə, ermənilər Abxaziyada gürcülərə qarşı xüsusi amansızlığı ilə seçilən Baqramyan adına batalyonunun döyüşçülərinə də abidə qoya bilər.

Güman edirəm ki, rəsmi Bakı Gürcüstan hökumətinə müvafiq sorğu göndərərək erməni təxribatı ilə bağlı onun mövqeyinə aydınlıq gətirməlidir", - R.Musabəyov Gürcüstan telekanalına bildirib.

Azərbaycanın Facebook istifadəçiləri xatırlayırlar ki, əslən azərbaycanlı olan Gürcüstan sakinləri bu ölkənin indiki prezidentinin əleyhinə səs veriblər, ötən il isə Gürcüstanda azərbaycanlılara fevralın 26-da Xocalı matəmini qeyd etməyi qadağan etmişdilər və buna səbəb kimi "millətlərarası problemlərin yaranmasını istəmədiklərini" göstərmişdilər.

Siyasi analitik Vüqar Seyidov buna cavab olaraq Marneulinin mərkəzində azərbaycanlı qəhrəman Mübariz İbrahimova abidə qoyulmasını təklif edir.

Yanvarın 24-də saat 14:30-da məlum olub ki, Azərbaycan XİN-in göstərişi ilə bizim ölkənin Gürcüstandakı səfiri Dursun Həsənov Gürcüstanın Xarici İşlər Nazirliyinə gedərək Azərbaycan ərazilərinin işğalında və həmin ərazilərdə dinc azərbaycanlıların qətlində birbaşa iştirak etmiş Mixail Avaqyana Axalkalakinin Buqaşen kəndində abidə qoyulması ilə bağlı Azərbaycan tərəfinin narazılığını və etirazını rəsmi Tbilisinin diqqətinə çatdırıb.

Eyni zamanda Gürcüstanın Azərbaycandakı səfiri Azərbaycan XİN-ə çağırılıb, ikitərəfli strateji münasibətlərin ruhuna cavab verməyən bu insidentin aradan qaldırılması üçün təxirəsalınmaz tədbirlərin görülməsi tələb olunub.

Bu məsələ Azərbaycan XİN-in nəzarətindədir, XİN mətbuat katibi Leyla Abdullayeva bildirib.-0-