Bakıda Novruz yarmarkası. (Foto arxiv)
Bakıda bayram bazarlığı edən alıcı: 'Qiymətlərdə 20-30 faiz artım var'
Bu gün, martın 20-si Azərbaycanda Novruz bayramı qeyd olunur. Bahar ölkəyə martın 20-də saat 07:06-da daxil olub...
Bayramı qeyd etmək üçün hazırlıq işləri də yekunlaşmaq üzrədir. Amma buna baxmayaraq, bazarlıq edənlərin sayı bu gün, martın 20-də də az deyil. Onlar deyir ki, son günlərdə bazarlarda məhsulların qiymətlərində artım var.
Azərbaycanda bayramqabağı bahalaşma artıq adətə çevrilib. Halbuki, bəzi ölkələrdə bayramqabağı endirimlər olur.
Bakıda "Yaşıl bazar" deyilən məkanda qiymətlər, alıcıların sözü ilə ifadə edilsə, od tutub yanır. Adi günlərdə 15 manata satılan qoz ləpəsinin kiloqramı 20 manata, qabıqsız fındığınkı isə 17-19 manata təklif edilir.
Ətin qiyməti isə dəyişməyib – mal əti 13-15, quzu əti isə 15-17 manat arasında dəyişir.
"Qiymətlərdə təxminən 20-30 faiz artım var. Məsələn, 3 manat 50 qəpiyə satılan pomidorun bir kiloqramının qiyməti 5 manata qədər gedib çıxıb. Meyvələrdə də eyni mənzərə", - adının çəkilməsini istəməyən bir alıcı vurğulayır.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən "Turan"a bildirilib ki, "Sahibkarlıq fəaliyyəti haqqında" Qanuna əsasən, sahibkarlar öz məhsulları üçün qiymətləri sərbəst müəyyən edirlər: "İstehlakçıların onların arasından qiyməti və istehlak xassələri daha uyğun olan malı sərbəst seçmək hüququ var".
Amma Xidmətdən o da vurğulanıb ki, əsassız qiymət dəyişikliyinin qarşısının alınması məqsədilə bazarda monitorinqlər aparır: "Antiinhisar qanunvericiliyinin tələblərinin pozulduğu aşkar edildiyi təqdirdə, qanunamüvafiq tədbirlər görülür".
İqtisadçı Natiq Cəfərlinin AzadlıqRadiosuna deməsinə görə, bayramqabağı qiymət artımının obyektiv səbəbi tələbin çox olmasıdır: "Tələb artan kimi təklifdə artım yoxdursa, qiymətlərdə artım yaranır. Amma əsas səbəb rəqabətsizlik mühitidir. Ölkəyə mal gətirən, bazara malları çıxaran şirkətlərin az olmasıdır ki, onların bazarda istədikləri qiymətləri diktə etməyə imkanları var".
İqtisadçının fikrincə, hökumətin əlində qiymətləri aşağı salacaq bir mexanizm yoxdur: "Hökumətin borcu bazarın böyük hissəsinə nəzarət edən topdansatış müəssisələrində yoxlamalar aparmaq və qiymətlərə müdaxilə etməkdir. Qanun da buna icazə verir. Amma bizdə "qiymət monitorinqi" deyəndə başqa yerlərə - pərakəndə satış məntəqələrinə, balaca dükanlara gedirlər, orada monitorinq aparıb, "qiymətləri niyə qaldırmısız" deyirlər. Halbuki, pərakəndə satış yerlərində monitorinqlər aparmağa qanun icazə vermir".
Mövzu ilə bağlı Kənd Təsərrüfatı Nazirliyi ilə danışmaq mümkün olmayıb. Amma son illər hakimiyyət orqanları müxtəlif bayram yarmarkaları keçirməklə ucuzluq və bolluq yaratmağa çalışdıqlarını bəyan ediblər. Bəzi istehlakçıların deməsinə görə, həmin yarmarkalarda da qiymətlər bazardakından bir elə də fərqlənmir. Üstəlik, orada məhsulların keyfiyyəti ilə də bağlı şikayətlər eşidilir.
-
- Sənaye
- 20 Mart 2024 21:19
Cəmiyyət
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
-
Mayın 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağıntısız keçəcəyi gözlənilir. Mülayim cənub küləyi axşam şimal-qərb küləyilə əvəz olunacaq.
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
Müsavat Partiyasının yeni və köhnə başqanı İsa Qəmbər Çətin sualda
Xəbər lenti
-
- Söz istəyirəm,
- 15:04
- 694
Rəy yaz