Bakı/18.01.18/Turan: Həbsdə olan dindar fəal Əhsən Nuruzadə məhkəmə qarşısına çıxarılıb. Onun işinə Bakı Ağır Cinayətlər Məhkəməsində Səbuhi Hüseynovun sədrlik etdiyi hakimlər kollegiyası baxır.
Yanvarın 18-də məhkəmənin hazırlıq iclasında Ə.Nuruzadənin vəkili Fariz Namazlı onun barəsindəki cinayət işinə xitam verilməsi, bu, təmin olunmasa, hökm çıxarılana qədər ev dustaqlığına buraxılması, qanunsuz yolla əldə olunan sübutların yolverilməz hesab edilib siyahıdan çıxarılması haqda vəsatətlər qaldırıb. Vəkil deyib ki, hüquqlarını müdafiə etdiyi şəxs günahsızdır, onu narkotiklə şərləyiblər. Müdafiəçinin sözlərinə görə, bundan öncə də DİN-in Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları iki dəfə Əhsəni tutublar. Hər ikisində onun haqqında 10-günlük inzibati həbs qərarı çıxarılsa da, dindar fəal Binəqədidə inzibati qaydada həbs olunanlar üçün nəzərdə tutulan təcridxanada yox, BMCMİ-də saxlanılıb:
"Ona xəbərdarlıq ediblər ki, əgər ictimai-siyasi fəaliyyətindən geri çəkilməsə, uzunmüddətli həbsə göndəriləcək. Əhsən geri çəkilmədi, onlar da dediklərini elədilər. Əhsən Nuruzadədən şübhəli və təqsirləndirilən şəxs qismində alınmış ilkin ifadələr sübutlar siyahısından çıxarılmalıdır. Çünki işgəncə altında imzalanmış ifadələrdir. Qanun isə bunu qadağan edir".
Müdafiəçi bildirib ki, Ə.Nuruzadənin himayəsində iki azyaşlı qız övladı, yerimək qabiliyyəti məhdud olan anası var. O, ailənin yeganə qazanc gətirəni idi.
F.Namazlı deyir ki, Ə.Nuruzadənin cibindən narkotik çıxdığını iddia edən hal şahidləri BMCMİ-nin başqa işlərdə hal şahidi kimi istifadə etdiyi adamlardır.
Vəsatətlərin heç biri təmin olunmayıb. İş üzrə məhkəmə baxışı yanvarın 23-nə təyin olunub.
Ə.Nuruzadə ötən il oktyabrın 6-da DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həbs olunub. Ona CM-nin 234.4.3 (satış məqsədi ilə külli miqdarda narkotik əldə etmə, saxlama) maddəsi ilə ittiham verilib. Onun üzərindən 14.775 qram heroin tapıldığı iddia olunur.
Amma dindar fəal ittihamı rədd edir, narkotikin cibinə idarədə elə polis tərəfindən atıldığını bildirir.
Ə.Nuruzadə bundan öncə də iki dəfə - 19 yanvar və 24 sentyabrda DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb. Günlərlə onun yaxınlarına yeri haqda məlumat verilməyib, hər dəfə 10 sutka inzibati həbs cəzası alıb. Hər iki məhkəmə qərarında da inzibati həbsin səbəbi eyni göstərilib - BMCMİ-nin qarşısından keçəndə telefonla danışarkən söyüş söymək, onu intizama dəvət edən polislərə tabe olmamaq.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz