Bakı/03.07.17/Turan: Əmək və Əhalinin Sosial Müadafiəsi Nazirliyi yanında Dövlət Əmək Müfəttişliyi Xidməti (DƏMX) işəgötürənlərə müraciət ünvanlayib. Xəbəri Müfəttişlik yayıb.
Qurumun müraciətinin əsas mahiyyəti son vaxtlar havaların isti keçməsi, bununla bağlı kəskin isti hava olan zaman işçilərin sağlamlığının qorunması üçün qanunvericiliyin tələblərinə uyğun zəruri tədbirlər görülməsilə bağlıdır.
Müfəttişlik Əmək Məcəlləsinin tələblərinə uyğun olaraq, havanın temperaturu +41 dərəcə selsidən yuxarı olduqda açıq havada, eləcə də sərinləşdirici sistemi olmayan qapalı məkanlarda işlərin dayandırılmalı olduğunu
xatırladır: "Belə hallarda işçilərin həyat və sağlamlığının mühafizəsi məqsədilə onlara sərinləşmək üçün imkan yaradılmaqla fasilələr verilməli və işəgötürənlə həmkarlar təşkilatının birgə qərarı əsasında fasilənin sayı, müddəti müəyyən olunmalı, eyni zamanda iş zamanı verilmiş fasilələr iş vaxtına daxil edilməlidir".
Müfəttişlik bildirir ki, həmin fasilələr zamanı əmək haqqı işçilərin tarif maaşına görə ödənilməlidir, boşdayanma işçinin təqsiri üzündən baş vermədikdə tarif maaşının üçdə iki hissəsindən az olmayaraq ödənilməsi təmin edilməlidir. -05D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz