Bakı/19.09.17/Turan: Çərşənbə günü Bakı Ağır Cinayətlər Məhkəməsində Mirzə Xankişiyevin sədrliyilə "Kanal-13" İnternet Televiziyasının direktoru Əziz Orucovun işi üzrə hazırlıq iclası keçirilib.
Məhkəmə bəraətverici əsaslarla cinayət işinin dayandırılması və həbs qətimkan tədbirinin dəyişdirilməsi barədə müdafiə tərəfinin vəsatətini təmin etməyib.
Eyni zamanda məhkəmə jurnalistə vəkillə yanaşı oturmağa icazə verib.
Mahiyyəti üzrə məhkəmə dinləmələri oktyabrın 10-na təyin edilib.
Vəkil Cavad Cavadov Ə.Orucova qarşı işi Turan-a şərh edərkən ittihamları əsassız adlandırıb.
"Əziz Orucova qarşı 192-ci maddə (qanunsuz sahibkarlıq) ilə ittiham irəli sürülüb. Qeydiyyat olmadan qrantların istifadəsi belə tövsif edilir. Ancaq 2016-cı ilin mayında CM-ə edilən düzəlişə görə, vergi uçotuna durmadan fəaliyyət göstərmək qanunsuz sahibkarlıq sayılır", - vəkil bildirib.
Digər tərəfdən, Ə.Orucov qrant layihələrinin icrasına görə məsul şəxs olmayıb. Onu CM-in 308.2-ci maddəsi (vəzifə səlahiyyətlərindən sui-istifadə) ilə ittiham etmək olmaz.
* Əziz Orucov mayın 2-də polisə tabe olmamaq ittihamı ilə inzibati qaydada həbs edilib. Bu müddət bitdikdən sonra ona qarşı CM-in 192.2.2 (qanunsuz sahibkarlıq) və 308.2-i (vəzifə səlahiyyətlərindən sui-istifadə) maddələri ilə ittiham irəli sürülüb.
Jurnalist ittihamları qəbul etməyib. Hüquq müdafiəçiləri onu siyasi məhbus kimi tanıyıblar.-06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz