Bakı/27.12.18/Turan: Müsavat Partiyası Gənclər Komitəsinin həbsdəki sədri Əbülfəz Sadıqbəylinin təcridxanada hüquqlarının pozulduğu bildirilir. Bu haqda qardaşı Vasif Sadıqbəyli məlumat verib.
Onun sözlərinə görə, 1 saylı Bakı İstintaq Təcridxanasında saxlanılan Əbülfəz Sadıqbəyliyə qeyri-qanuni qadağalar tətbiq edilib.
"İstintaq müddəti başa çatıb, ancaq görüşə imkan verilmir. Rəsmi məktub gəlib ki, istintaq müddəti başa çtıb. Buna görə, telefon və görüş qadağasının aradan qaldırıldığı bildirilib. Ancaq reallıqda qadağa aradan qaldırılmayıb", deyən V.Sadıqbəylinin sözlərinə görə, qardaşına kitab qadağası da tətbiq ediblər.
Qardaşı ilə görüşə imkan verilmədiyini deyən V.Sadıqbəyli qeyd edib ki, iki həftədən çoxdur ki, ona kitab qadağası da tətbiq ediblər, kitab bağlamasını təcridxanadan geri göndəriblər.
O, qadağalarla bağlı məhkəməyə şikayət verəcəklərini də qeyd edib.
Hələlik əlaqəli qurumlardan Ə.Sadıqbəyliyə tətbiq edilən qadağalarla bağlı münasibət öyrənmək mümkün olmayıb.
Xatırladaq ki, noyabrın 21-də Səbail Rayon Məhkəməsi Ə.Sadıqbəyli barəsində 3 aylıq həbs-qətimkan tədbiri seçib. O, Cinayət Məcəlləsinin 178 (dələduzluq) və 320-ci (saxta sənəd hazırlama və ya ondan istifadə) maddələri ilə ittiham olunur. İttihama görə, müsavatçı "Nikoilbank"ın adından saxta sənəd hazırlayıb. Bildirilir ki, o, kreditlə aldığı "Niva" avtomobilinə görə borclu qaldığı 5100 manatın ödənilməsi barədə arayışı Yol polisinə təqdim edərək, avtomobili öz mülkiyyətinə keçirib, daha sonra satıb. İstintaq orqanının iddiasına görə, həmin arayış saxtadır. Ə.Sadıqbəyli ittihamı qəbul etmir. Müdafiə tərəfi vurğulayır ki, banka pul tam ödənib və əgər arayış saxtadırsa, bunun Ə.Sadıqbəyliyə aidiyyəti yoxdur. Müsavat Partiyası da həbsin siyasi motivli olduğunu bəyan edib.
Ancaq rəsmilər ölkədə insanların siyasi əqidələrinə görə uydurma ittihamlarla həbs olunmaları ilə bağlı deyilənləri qəbul etmirlər. -05B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz