İlqar Məmmədovun vəkilinə məhkəmə iclasının protokolunu vermirlər

Bakı/12.09.18/Turan: Şəki Apellyasiya Məhkəməsindən vəkil Fuad Ağayeva REAL partiyasının lideri İlqar Məmmədovun işi üzrə 13 avqust tarixli iclasın protokolunu verməkdən imtina ediblər. Bu barədə Turan-a Ağayev özü bildirib.

Onun sözlərinə görə, Azərbaycan qanunvericiliyində məhkəmə iclaslarının protokollarının müdafiə tərəfinə verilməsi məsələsi əksini tapıb. Amma təcrübədə protokolları vəkillərə verməkdən imtina edirlər.

"İş o yerə çatır ki, məhkəmə iclaslarının protokollarının surətlərini belə Avropa İnsan Hüquqları Məhkəməsi vasitəsilə almalı oluruq", deyə Ağayev qeyd edib.

Xatırladaq ki, İlqar Məmmədov 2013-cü il yanvarın 20-də İsmayıllı rayonunda baş vermiş hadisələrdən sonra, yəni, yanvarın 24-də həbsə alınıb. REAL rəhbəri bu rayonda iştişaşlar təşkil etməkdə ittiham olunub, Şəki Ağır Xcinayətlər Məhkəməsinin qərarı ilə 7 il müddətinə azadlıqdan məhrum edilib.

Beynəlxalq hüquq müdafiə tşkilatları, Avropa qurumları bu ittihamı və həbsi əsassız sayblar. İ.Məmmədovun həbsdən dərhal azad olunması ilə bağlı Avropa İnsan Haqları Məhkəməsinin, Avopa Şurası Nazirlər Komitəsinin qərarları olsa da rəsmi Bakı bu qərarları yerinə yetirməkdən imtina edib.

Bu il avqustun 13-də Şəki Apellyasiya Məhkəməsi İ. Məmmədovun vaxtından əvvəl şərti azadlığa buraxılması barədə qərar verib. -05D06-