Paşinyan hər yolla danışıqlar prosesini pozmağa çalışır - İ.Əliyev

Bakı/12.09.18/Turan: Ermənistanın yeni baş naziri Nikol Paşinyanın fəaliyyətinin ilk günlərindən səsləndirdiyi bəyanatlar ən azından təəccüb doğurur, bu barədə bu gün Azərbaycan prezidenti İlham Əliyev ATƏT baş katibi Tomas Qremingerlə görüşündə bildirib.

Xüsusən, Azərbaycanın "Dağlıq Qarabağ Respublikası" ilə danışıqlar aparmalı olması haqqında tezis qəbuledilməzdir, deyə Əliyev əlavə edib.

Bu, Ermənistanın danışıqlar prosesini pozmaq niyyətini göstərir, deyə Azərbaycan prezidenti bildirib.

Bakı həmçinin işğal edilmiş ərazilərin "Dağlıq Qarabağ Respublikasının" tərkib hissəsi olması haqqında bəyanatları qəti şəkildə rədd edir.

Azərbaycan ATƏT-i bu təhlükəli bəyanatlara reaksiya verməyə çağırır.

Ümumilikdə, Azərbaycan tərəfdə belə bir fikir formalaşır ki, Paşinyan hər yolla danışıqlar prosesini pozmağa çalışır.

Belə olan halda bütün məsuliyyət Ermənistan tərəfin və şəxsən Paşinyanın üzərinə qoyulacaq.

Əliyev ATƏT-i Ermənistanda demokratiya qurulması bəhanəsi ilə insan hüquqlarının kütləvi şəkildə pozulmasına, baş nazirin siyasi rəqiblərinin həbsi ilə bağlı göstərişlərinə, yeni diktatura rejiminin qurulmasına biganə qalmamağa çağırıb.

Söhbət zamanı regional təhlükəsizlik, demokratik inkişaf, iqtisadi əməkdaşlıq məsələləri ilə bağlı fikir mübadiləsi aparılıb. -06D-