Media Hüquqları İnstitutu (MHİ) “Azadlıq” qəzetinin əməkdaşı Natiq Ədilovun paytaxt polisinə çağırılması və Bakı Prokurorluğu tərəfindən ona qarşı KİV-də və sosial şəbəkələrdə tənqidi nəşrlərinə görə xəbərdarlıq çıxarılması ilə bağlı dərin narahatlığını bildirir.
MHİ jurnalistlərin yazdıqları yazılara görə qanunsuz üsullarla çək-çevir edilməsinin yolverilməz olduğunu bəyan edir, son hadisəni ifadə azadlığının sıxışdırılmasına xidmət edən hüquqi əsassız addım kimi dəyərləndirir.
Ədilov “Azadlıq” qəzetində hökuməti sərt üslubda tənqid edən yazıları ilə tanınır. Jurnalist həm də müxalif Xalq Cəbhəsi Partiyasının mətbuat xidmətinin təmsilçisidir. Davamlı olaraq sosial şəbəkələrdə hökumətin siyasətini tənqid, müxalif siyasi qüvvələrin baxışlarını təşviq edən Natiq Ədilov son günlər hökumətin neft məhsullarının qiymtlərini artıran qərarını pisləyən statuslar paylaşırdı.
N. Ədilov dekabrın 4-də Bakı şəhər Baş Polis Idarəsinə çağırılıb. Bakı şəhər prokuroru Əziz Seyidov və Bakı Şəhər Baş Polis Idarəsinin rəisi Rafiq Abbasov tərəfindən tənqidi yazılarına görə sorğu-sual edilən jurnalistə Bakı şəhər prokuroru adından rəsmi xəbərdarlıq təqdim olunub. Xəbərdarlıq jurnalisti tənqidi yazılardan çəkindirmək məzmunundadır - N.Ədilova yazılarının ölkədəki inkişafı ifadə etmədiyi, daim tənqidi məzmunda olduğu xatırladılır, tənqidi yazılarına son qoyması tələb olunur, əks halda məsuliyyətə cəlb olunacağı vurğulanır.
Media Hüququ İnstitutu Natiq Ədilova tənqidi çıxış-yazılarına görə xəbərdarlıq edilməsinin hüquqi əsaslarının olmadığını, onun ifadə azadlığına hüquqi bəraəti olmayan müdaxilə təşkil etdiyini bildirir. Azərbaycan Respublikası Konstitusiyasının 47 və 50-ci maddələri hər bir vətəndaşın ifadə və məlumat azadlığını tanıyır.
“Hər kəs ifadə azadlığına, bilgiləri əldə etmək, hazırlamaq, yaymaq haqqına sahibdir. Kimsə fikir və əqidəsindən dönməyə məcbur edilə bilməz. Hökumət jurnalistlərin, medianın azad fəaliyyətinə təminat verməlidir”, deyə MHİ-nin bəyanatında bildirilir.
“Kütləvi informasiya vasitələri haqqında” qanuna görə, qanun çətiri altında tutulan sirləri yaymaq, dövlət quruluşunu zorakılıqla çevirməyə, dövlətin bütövlüyünə qəsd etməyə çağırışlar, müharibəni, zorakılığı və qəddarlığı, milli, irqi, sosial ədaləti, yaxud dözülməzliyi təbliğ etmək, şərəf və ləyaqəti aşağılayan şayiələr, pornoqrafik materiallar yaymaq, böhtan atmaqdan başqa bütün məzmunları paylaşmaq, müzakirələr açmaq ifadə azadlığı sərhədləri içindədir.
Avropa İnsan Haqları Konvensiyasının 10-cu maddəsinə görə, hər kəs öz fikrini azad ifadə etmək hüququna - öz rəyində qalmaq, hökumət tərəfindən hər hansı maneçilik olmadan məlumat və ideyaları alıb-yaymaq haqqına sahibdir.
Bu, jurnalistlərin nəşrləri ilə bağlı hüquq-mühafizə orqanlarına çağırıldığı ilk hadisə deyil. Belə ki, 2007-ci ildə “Zerkalo” qəzetinin baş redaktoru Elçin Şıxlı və qəzetin bir sıra əməkdaşları MTN-ə çağırılıb.
2010-cu ildə 10-dan çox jurnalist Elmar Hüseynovun qətlinin araşdırılması haqqında nəşrləri ilə əlaqədar MTN-ə çağırılıb.
2013-cü ilin fevral ayında “Azadlıq” qəzetinin baş redaktorunun birinci müavini Rəhim Hacıyev regionlardakı etiraz aksiyaları haqqında nəşrlərə son qoyması üçün Baş Prokurorluğa çağırılıb. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz