Məhbus cəza kamerasına salınıb
Məhbus Elşən Paşayev Qobustan Qapalı Həbsxanasından sentyabrın 19-da 1 saylı cəzaçəkmə müəssisəsinə qaytarılan kimi yenidən cərimə kamerasına salınıb. “Hələ karantində olan oğlum guya cəzaçəkmə müəssisəsinin əməkdaşlarına fiziki təzyiq etmək istəyib. Bu, yalandır və oğluma qarşı əvvəlki ədavətin nəticəsidir”. Bu barədə Elşən Paşayevin anası Lida Mirzəliyeva Turan-a bildirib.
Elşən Paşayev Cinayət Məcəlləsinin qəsdən adam öldürmə maddəsi ilə 2005-ci il martın 10-da həbs edilib. O, 12 il müddətinə məhkum edilib və artıq cəzasının 10 il 7 ayını çəkib. E.Paşayev cəzasının çəkilməmiş hissəsindən azad edilməsi ilə bağlı 2015-ci ilin fevralında Nizami rayon Məhkəməsinə müraciət edib. Məhkəmə müraciəti təmin etməyib. Bundan sonra Paşayev ağzını tikərək aclığa başlayıb.
Martın 19-da Nizami Rayon Məhkəməsi 1 saylı cəzaçəkmə müəssisəsinin rəhbərliyinin təqdimatı əsasında Paşayevin cəzasının qalan hissəsini çəkmək üçün Qobustan qapalı həbsxanasına göndərilməsi barədə qərar qəbul edib. Paşayev məhkəmənin qərarından apellyasiya şikayəti verib. Aprelin 7-də Apellyasiya Məhkəməsi onun qapalı həbsxanada həbs müddətini 6 ayadək azaldıb. Məhkəmə-Hüquq Şurası isə Nizami rayon Məhkəməsinin sədrinə və prosesə sədrlik edən hakimə töhmət verib.
“Oğlumun həyatı təhlükədədir. 1 saylı cəzaçəkmə müəssisəsində ondan qisas alırlar. Anasının, bacısının, qardaşının belə Elşənlə görüşünə imkan vermirlər. Hətta cəzaçəkmə müəssisəsinin rəisi məni müəssisənin qarşısına belə qoymur. Mənə kömək edin. Hökumətin səlahiyyətli orqanları oğlumun təhlükəsizliyi ilə maraqlansın. Ana kimi onlardan ədalət sədəqəsi istəyirəm”, deyə Mirzəliyeva hökumət orqanlarına müraciət edib.
Öz növbəsində, Penitensiar Xidmətin ictimaiyyətlə əlaqələr şöbəsindən Turan-a deyiblər ki, cəzaçəkmə müəssisələrində hər-hansı məhbusun həyatı üçün təhlükə yoxdur.
“Cəzaçəkmə müəssisələrində qayda-qanun hamı üçün eynidir. Elşən Paşayevlə bağlı deyilənlərin də əsası yoxdur, onun həyatına hər-hansı təhlükdən söhbət belə gedə bilməz. Təqsirləndirilən şəxs və ya məhbus barədə tənbeh tədbirləri isə müəssisə rəhbərinin müstəsna səlahiyyətidir. Amma cəzaların icrası qanunvericiliyi məhbus və ya təqsirləndirilən şəxsə həmin qərardan aidiyyatı məhkəmə orqanına şikayət etmək hüququ verir. Elşən Paşayev də həmin hüquqdan istifadə edə bilər”, deyə ictimaiyyətlə əlaqələr şöbəsindən bildiriblər. -03B-
-
- Cəmiyyət
- 30 Sentyabr 2015 17:09
-
- İqtisadiyyat
- 30 Sentyabr 2015 17:31
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz