Məscidin sökülməsi haqqında qərara görə məsuliyyət İbrahim Mehdiyevin üzərinə qoyulub
Bakı/01.07.17/Turan: Şənbə günü Azərbaycan prezidenti İlham Əliyev Yasamal rayon İcra Hakimiyyətinin başçısı İbrahim Mehdiyevin vəzifədən azad edilməsi haqqında sərəncam imzalayıb.
Sərəncamda bunun səbəbi göstərilməyib və sadəcə Konstitusiyanın 124-cü maddəsinin 2-ci hissəsinə istinad olunur ki, bu maddəyə əsasən, prezident yerli icra hakimiyyəti orqanlarının rəhbərlərini işə təyin və işdən azad edir.
Mehdiyevin işdən çıxarılmasının səbəblərini prezidentin ictimai-siyasi məsələlər üzrə köməkçisi Əli Həsənov izah edib.
Həsənov AzərTAc-a müsahibəsində bildirib ki, Mehdiyev Bakının keçmiş "Sovetski" küçəsində yerləşən Hacı Cavad məscidinin sökülməsi haqqında özbaşına qərar qəbul etdiyinə görə cəzalandırılıb.
Həsənov xatırladıb ki, prezident Əliyev apreldə dindarlar üçün yeni məscid tikilənə qədər bu məscidin sökülməməsi barədə göstəriş verib.
Yeni məscidin tikilməsi üçün Yasamal qəbirstanlığı yaxınlığında yer ayrılıb və işlər artıq başlayıb.
"Bəzi vəzifəli şəxslər cənab prezidentin tapşırığının əksinə olaraq, yeni məscid binasının tikintisi başa çatmamış "Hacı Cavad" məscidinin sökülməsi barədə özbaşına qərar qəbul ediblər. Prezident İlham Əliyev məsələ barədə məlumat aldıqdan dərhal sonra həmin vəzifəli şəxslərin ciddi şəkildə cəzalandırılması barədə göstəriş verib", deyə Həsənov bildirib.
Onun sözlərinə görə, bu prosesin əsas təqsirkarı rayon İcra Hakimiyyətinin keçmiş başçısı İbrahim Mehdiyev olub və o, tutduğu vəzifədən azad edilib.
Mehdiyevi cəzalandırmaq üçün əvvəllər də bir çox səbəblər var idi. Misal üçün, təzminat ölçüsü ilə razılaşmayan sakinlərin hələ evləri tərk etmədiyi halda, buldozerlər "Sovetski"də evləri sökərkən, və ya İnternetdə Mehdiyevin məhz Hacı Cavad məscidinin aqibəti ilə bağlı sual verən xanım jurnalistə kobud cavab verib onu itələdiyini əks etdirən videokadrlar yayıldıqda. -06D-
-
- İqtisadiyyat
- 1 İyul 2017 15:20
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz