Açiq mənbələrdən foto.
Bakı/02.03.23/Turan: Martın 1-nə keçən gecə "Horadiz" sərhəd dəstəsinin əməkdaşları Ağsu rayon sakini Məmməd Manafovu (1986-cı ildə anadan olub) saxlayıblar. Onun üzərində 17 kiloqram 600 qram marixuana və 1430 ədəd Metadon-40 psixotrop həp olub.
Martın 2-nə keçən gecə Astara rayonunun Alaş kəndi yaxınlığında sərhədçilər İran tərəfindən dövlət sərhədinin pozulduğunu qeydə alıblar. Əməliyyat-axtarış tədbirləri zamanı Şirvan şəhər sakinləri Əli Əliyev, Arif Balayev və Kamal Mirzəyev "VAZ-2107" avtomobililə ərazini tərk etməyə cəhd edərkən saxlanılıblar. Avtomobilə baxış zamanı 10 kiloqramdan çox marixuana aşkar edilib.
Saxlanna zamanı Balayev sərhədçilərin qanuni tələblərinə məhəl qoymayaraq müqavimət göstərib, sonra özünü bıçaqla yaralayıb. İlk tibbi yardım göstərildikdən sonra onu Lənkəran rayon xəstəxanasına aparıblar.
Martın 2-də gecə saat 2-də Yardımlı rayonunun Zevin kəndi yaxınlığında sərhədçilər 8,6 kiloqram marixuana və 63 qram civə götürüblər, səhər saat 4-də isə Füzuli rayonunun Aşağı Yağləvənd kəndi yaxınlığında 18,4 kiloqram narkotik maddə (marixuana, heroin, tiryək) olan paket aşkar ediblər. Üç saat sonra Astara şəhəri yaxınlığında İran sərhədində 7 kiloqram marixuananın olduğu bağlama aşkar edilib.
Sözügedən faktlar üzrə əməliyyat-axtarış tədbirləri keçirilir. 0
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz