Bakı/06.08.17/Turan: Müsəlman Birliyi Hərəkatının sədri, ilahiyyatçı Taleh Bağırovun Qobustandakı qapalı həbsxanada işgəncəyə məruz qaldığı bildirilir.
Bu haqda AzadliqRadiosuna ilahiyyatçının yaxınları məlumat verib.
Ailə üzvlərinin sözlərinə görə, Taleh Bağırov Qobustan həbsxanasına gətirilən kimi cərimə təcridxanasına ("kars") salınıb, orada onu döyüblər.
"Məruz qaldığı işgəncə nəticəsində Taleh Bağırovun vəziyyəti pisləşib. Bizə çatan məlumata görə, onun vəziyyəti ağırdır. Həbsxanadan bizim özümüzə heç nə demirlər", - ilahiyyatçının yaxınları bildirib.
Yaxınlarının sözlərinə görə, vəkili də Taleh Bağırovla görüşə bilmir. Müdafiəçi Yalçın İmanov Taleh Bağırovla görüşmək üçün orderin surətini və məktubu bu həftənin əvvəlində Penitensiar Xidmətə göndərib. Amma hələ cavab gəlməyib.
Ombudsman Aparatından AzadlıqRadiosuna bildirilib ki, Taleh Bağırova işgəncə verilməsi haqda məlumatı araşdırmaq məqsədilə Qobustan həbsxanası ilə əlaqə saxlayıblar:
"Biz ilkin araşdırma apardıq. Taleh Bağırovun cərimə təcridxanasına salındığını təsdiqlədilər. Səbəb kimi isə onun həbsxananın daxili intizam qaydalarını pozmasını göstərdilər. Amma işgəncə haqda deyilənləri təkzib ediblər. Gələn həftə daha ətraflı araşdırma aparacağıq".
"Müsəlman Birliyi" Hərəkatının sədri Taleh Bağırov və daha 17 nəfər Nardaran hadisələri ilə bağlı həbs ediliblər. Onları dövlət çevrilişinə cəhd və başqa ağır cinayətlərdə təqsirkar sayıblar.
Tale Bağırov 20 il həbs cəzası alıb. O ittihamları əsassız sayır.
2015-ci il noyabrın 26-da Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi əməliyyatda ikisi polis olmaqla, 6 nəfər həlak olub. Rəsmi ittihama görə, radikal silahlı dəstə polis əməkdaşlarına silahlı müqavimət göstərib və ölənlər bu qarşıdurmada həyatlarını itiriblər.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz