Bakı/13.08.17/Turan: Ötən həftə Türkiyənin şimal-şərqində Qars şəhərində adı açıqlanmayan azərbaycanlı turist deportasiya edilib. Buna Türkiyə hakimiyyətinin üzərində "HERO" sözü yazılmış idman köynəyi ilə bağlı qərarı səbəb olub. Gəncin əynində həmin köynəkdən olub.
Son aylar Türkiyədən bu cür geyimə görə 30-dan çox adam çıxarılıb. Yerli KİV məlumat verir.
Bu futbolkalarla bağlı xoşagəlməz vəziyyət iyulun 13-dən yaranıb. Belə ki, ötən il Türkiyədə dövlət çevrilişinə cəhddə iştirakda ittiham olunan əsgər Gökhan Güçlü məhkəmə zalına üzərində "HERO" yazılmış maykada gəlib. Bu sözlər maykanın ön tərəfində ağ-qara hərflərlə yazılıb. Yazı elə hiddət doğurub ki, hakim dinləmələri təxirə salıb.
Türkiyə prokurorluğunun nümayəndələri KİV-ə bildiriblər ki, Güçlünün baçısı və həbsxana işçiləri yaxın vaxtlarda dindiriləcək. İstintaqın versiyasına görə, maykanı məhbusa o göndərib, işçilər isə vaxtında tədbir görməyiblər.
Türkiyənin əvvəllər heç zaman siyasi sayılmayan Defacto brendi ilə buraxılan futbolkanın alışı təhqiredici predmetə çevrilib. Məhkəmədə yaranan qalmaqal nəticəsində adi mayka prezident Rəcəp Tayyip Ərdoğana qarşı çıxanlara rəğbət simvolu kimi qarşılanıb, Politico yazır.
Bu yay Türkiyədə belə mayka geyinən istənilən şəxs polis tərəfindən saxlanılaraq "terrorizmin təbliği"ndə suçlandırılıb. Belə ki, bu formul altında ABŞ-da mühacirətdə olan türkiyəli imam Fətullah Gülənə dəstək nəzərdə tutulur. Türkiyə hakimiyyəti və şəxsən Ərdoğan 2016-cı ildə dövlət çevrilişinə cəhddə onun əli olduğunu bildirirlər.
Türkiyənin hökumətyönlü "Sabah" qəzeti futbolkanın üzərinə yazılan gizli məlumatı da aşkar edib. Nəşr bildirir ki, "NERO" "Hoca Efendi Razı Olsun" sözlərinin baş hərfləridir.
Saxlanılanların çoxu hansısa cinayəti törətdiklərinin fərqində olmayıblar.
Saxlanılanlar arasında ən gənc oğlanın 13 yaşı var. O, öz atası ilə kafedə oturduğu zaman polis ona yaxınlaşıb.
Bundan əlavə, şahidlər bildiriblər ki, üzərində "part-time hero" sözləri yazılan futbolka geyinmiş bir tələbəni də saxlayıblar. -0-
Cəmiyyət
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
Rəy yaz