Azərbaycan vikipediyaçıları ilk yay düşərgəsini keçiriblər

Bakı/14.08.17/Turan: Vikipediya dünya virtual ensiklopediyasının Azərbaycanlı məqalə müəllifləri (istifadəçiləri) vikipediyaçıların Vikimedia Azərbaycan adlı Yay Düşərgəsində aktual problemləri müzakirə ediblər və təcrübə mübadiləsi aparıblar. Düşərgə avqustun 12-13-də Qax rayonunun İlisu kəndində keçirilib. Görüş iştirakçıları 30 istifadəçi olub, onların 90%-i Vikipediyada işləmək üçün lazım olan yei bilik və bacarıqlar əldə etmək, yeni müəlliflər cəlb etmək və ümumdünya ensiklopediyasında nəşrlərin mövzular dairəsini genişləndirmək üçün düşərgəyə gələn yeni istifadəçilər idi.

Vikipediyada peşəkarlıq və barbarlıq, kompüter tədarüklərindən istifadə (bolt), tarixi düşmənə qarşı mübarizə, subyektivlik və obyektivlik, başqa dillərə tərcümə, sitat gətirmə, Vikipediya-dan elmi işdə istifadə - Vikipediya-nın Azərbaycan dilində (latın əlifbası ilə) səhifəsinin yaradıcıları - administratorlar Elgün Atalıyev, Tərxan Paşazadə, Emin Allahverdi və başqaları yeni istifadəçilərə bunlar mövzular haqqında danışıblar.

Ümumdünya ensiklopediyası 2001-ci ildə iki ingilis tərəfindən yaradılıb, Azərbaycanlı müəlliflərin İran Azərbaycanlıları tərəfindən ərəb əlifbası ilə yazılmış ilk məqalələri isə 2004-cü ildə çıxıb. Sonradan Azərbaycan Respublikasında latın əlifbası ilə işləyən Azərbaycanlı müəlliflər qrupu yaradılıb. Onların Vikipediya-da ilk məqalələri Azərbaycan və Qarabağ haqqında olub, - deyə admin E.Atalıyev bildirib.

Bütün müəlliflər Vikipediya-nın əsas prinsiplərinə - könüllülük və məqalələrin yaradılmasında qərəzsizliyə əsaslanırlar.

Hazırda Vikipediya-da 47,7 mln. məqalə var, onların 5 mln.-u ingilis dilində, 123 mini Azərbaycan dilindədir. Bu nəşrlərin nüfuzu artır. Britaniyanın BBC mediakorporasiyasında Vikipediya-nı faktların dəqiqliyinə görə "Britanika" ensiklopediyasına yaxın hesab edirlər.

Vikipediya-nın Azərbaycan dilindəki səhifəsi hələlik erməni dilindəki səhifədən geridə qalır, ona görə ki, erməni müəlliflər virtual ensiklopediyaya daha əvvəl qoşulublar, xüsusən, Qarabağ problemi haqqında məqalələrdə sitat gətirilməsi üçün çox sayda mənbə yaradıblar, - deyə T.Paşazadə bildirib. Azərbaycanlı müəlliflər Qarabağ haqqında saxta nəşrlərin ortaya çıxmasının qarşısını ala bilmirlər, amma onların məzmununu dəyişdirmək iqtidarındadırlar, eyni şəkildə, ermənilər və onların tərəfdarları da Azərbaycan haqqında istənilən məqalənin yaradılmasına müdaxilə edə bilirlər. Vəziyyətdən çıxış yolu belədir - çox işləməli, arxivlərdən yeni mənbələr tapmalı, yeni məqalələrdə sitat gətirmək üçün geniş məlumatlar bazası yaratmalıyıq, - deyə Paşazadə qeyd edib.

"Amma informasiya müharibələri ilə Qarabağ münaqişəsi həll olunmur. Vikipediya-da Azərbaycanlılar Azərbaycan ordusu torpaqlarımızı azad etdikdə qələbə qazanacaq", deyə o, əlavə edib. O, gənclər qarşısında vəzifə qoyub - Vikipediya-nın Azərbaycan seqmentinə bütün peşələrdən yeni istifadəçilər cəlb etmək, onların da digər fəal istifadəçiləri tapmasını və cəlb etməsini təmin etmək vəzifəsi.

Təcrübə göstərir ki, dövlətin müdaxiləsi, hətta köməyi belə Vikipediya-nın inkişafına böyük təsir göstərməyəcək. Onun gücü yalnız ictimai qüvvələrin qərəzsiz fəal iştirakındadır, deyə məruzəçi qeyd edib.

Müzakirələr zamanı düşərgə iştirakçısı olan beş qızdan ibarət qrup Azərbaycanlı vikipediyaçıların qadınlar cəmiyyətinin yaradılması təşəbbüsü ilə çıxış edib. Qızların təklifi adminlər tərəfindən dəstəklənib.

2014-cü ildə Bakıda Azərbaycanlı Vikipediyaçıların Birinci Milli Forumu keçirilib. -0-