Bakı/10.08.17/Turan: Bu gün Binəqədi Rayon Məhkəməsində Rəşad Əliyevin sədrliyilə keçirilən prosesdə jurnalist Xədicə İsmayılovanın ölkədən çıxışına qadağanın ləğvi barədə müraciəti təmin edilməyib.
X.İsmayılova Turan-a bildirib ki, Kanadada jurnalist mükafatlarının təqdim edilməsi mərasimimdə iştirak etmək istəyib. Belə ki, o, Britaniyanın Kolumbiya Universiteti yanında Allard mükafatının üç finalçısından biridir. Təqdimetmə mərasimi sentyabrın 28-də Vankuverdə olacaq.
Beynəlxalq Allard mükafatı korrupsiyaya qarşı mübarizədə əsasən açıqlıq, məsuliyyət və qanunun aliliyi kimi prinsiplərin yayılmasına yardım yolu ilə cəsarət və liderlik keyfiyyətlərini nümayiş etdirən şəxslərə verilir. Mükafatın məbləği 100 000 Kanada dollarıdır və iki ildə bir dəfə təqdim olunur.
Bundan əlavə, hər altı ayda bir dəfə fotomüsabiqə keçirilir. Bu çərçivədə fotoqrafın Allard mükafatının ideallarını fotoda əks etdirmək qabiliyyəti qiymətləndirilir. Müsabiqənin qalibinə 1000 Kanada dolları həcmində pul mükafatı verilir. Onun işləri altı ay ərzində Allard mükafatının veb-saytında yer alır.
Bundan öncə də X.İsmayılovanın ölkədən çıxışından imtina edilib. Buna səbəb kimi onun barəsində azadlıqdan şərti məhrum edilməsi haqda hökmün olması göstərilib.
Jurnalist bu qərardan şikayət verib və Azərbaycanda bütün məhkəmə instansiyalarından keçərək Avropa İnsan Hüquqları Məhkəməsinə müraciət edib.
X.İsmayılova 2014-cü il dekabrın 5-də vergidən yayınma, qanunsuz sahibkarlıq ittihamı ilə 7,5 il müddətinə azadlıqdan məhrum edilib. O, ittihamları qəbul etməyib. 2016-cı il mayın 25-də Ali Məhkəmə cəza müddətini 3,5 ilədək azadlıqdan şərti məhrumetmə ilə yumşaldıb. 16D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz