�Abşeron�dakı ilk quyunun nəticələri gözləniləndən daha yaxşıdır

Bakı/16.10.19/Turan: "Total E&P Azerbaijan" şirkətinin icraçı direktoru Denis LeMarchal çərşənbə günü bildirib ki, "Abşeron" yatağında ilk ABD-001 hasilat qiymətləndirmə quyusunun qazılmasının ilkin nəticələri "gözlənildiyindən daha yaxşıdır". Bu, bu qaz kondensat layihəsinin operatoru kimi "Total"ın bu sahənin hərtərəfli işlənməsi üzrə yaxşı nəticələrə ümid etməsinə əsas verir.

"Biz iki əsas laya - "Fasilə B" və "Fasilə D"yə diqqət yetirəcəyik. Yaxın həftələrdə quyunu qaz axını üçün sınayacağıq ... Ancaq artıq indi inanırıq ki, nəticə əvvəlcədən proqnozlaşdırılandan daha yaxşı olacaq. "Abşeron"un mənimsənilməsinin ikinci, tammiqyaslı işlənməsi üçün müjdəli xəbərlər almaq bizim - "Total" və SOCAR-ın hazır olmağımız deməkdir. Layihənin həyata keçirilməsinə bir neçə ildən sonra başlanacaq", - deyə LeMarshall jurnalistlərə bildirib.

Abşeronun birinci fazasından ildə 1,5 milyard kubmetr həcmində (ən yüksək hədd) qaz 2021-ci ildə hasil olunmağa başlayacaq, bunun üçün müvafiq şərait yaradılacaq.

Artıq 2019-cu ilin sonu və 2020-ci ilin əvvəlində "Abşeron"un "Mərhələ -1"dən sahilə qazın nəql edilməsi üçün infrastrukturun yaradılması üzrə işlər başlayacaq.

O cümlədən, "ABD-001"dən "Neft Daşları"na bir qaz kəməri çəkiləcək və bundan sonra qazın sahilə çatdırılması üçün mövcud SOCAR infrastrukturu cəlb ediləcək.

Qeyd edək ki, "ABD-001" quyusu Xəzərin ən dərin quyusu olmaqla 7411 metrə çatır. O, önümüzdəki həftələrdə "Abşeron"u tərk edəcək və BP-yə Xəzərin Azərbaycan hissəsinin başqa bir hissəsində qazma işləri aparacaq "Heydər Əliyev" üzən yarımdalma qazma qurğusundan qazılıb.

"Abşeron"un işlənməsinin birinci mərhələsinin xərcləri 1,1 - 1,3 milyard dollar səviyyəsində qiymətləndirilir ki, bunun da təxminən 70%-i "ABD-001" quyusunun payına düşür.

SOCAR-ın vitse-prezidenti Yaşar Lətifovun qeyd etdiyi kimi, "Total"ın müasir texnoloji həlləri böyük dəniz dərinliklərinə və böyük quyu dərinliyinə baxmayaraq, "Abşeron" layihəsinin qiymətini azaldır.

Xatırladaq ki, 21 noyabr 2016-cı il tarixində SOCAR və "Total" paritet başlanğıcla "Abşeron" qaz-kondensat yatağının işlənməsinin birinci mərhələsi üçün əsas müqavilə və kommersiya şərtlərinin müəyyən edilməsi haqqında saziş imzalayıb. 30 il müddətinə əsas razılaşma 2009-cu ilin fevral ayında kəşfiyyat, işlənmə və hasilatın pay bölgüsü üzrə imzalanıb.

Müqavilə sahəsi 747 kvadrat kilometrdir. Blok Bakıdan 100 km məsafədə 450-500 metr dərinlikdə yerləşir. Yatağın ehtiyatı 350 milyard kubmetr qaz və 45 milyon ton kondensat qiymətləndirilir.

"Abşeron"da ilk quyunun gözlənilən gündəlik debeti 2 min ton kondensat və 4,3 milyon kubmetr qazdan çox ola bilər.

"Mərhələ-1"dən qazın hamısı SOCAR tərəfindən ölkənin ehtiyacları üçün alınacaq, kondensat Bakı-Tbilisi-Ceyhan neft boru kəməri ilə göndəriləcək.

Hərtərəfli işlənən zaman "Abşeron" ildə 5 milyard kubmetr və ya daha çox qaz istehsal edə bilər. "Abşeron"un ikinci mərhələsində çıxan qaz təxminən 2025-26-cı illərdə bu barədə dəqiq razılıq əldə olunarsa, Cənub Qaz Dəhlizinə daxil ola bilər.

"Abşeron" layihəsindən yaxşı gözləntilər olduğu onunla sübut olunur ki, yeni iştirakçılar, xüsusən də Rusiya şirkəti LUKOIL bu işə girməyə can atır.

Belə bir imkan bir ildir müzakirə olunur və LeMarshalın sözlərinə görə, qərar layihə menecerlərindən asılıdır.

"Texniki və texnoloji cəhətdən layihə yeni iştirakçılara ehtiyac duyulmur. Ancaq kommersiya tərəfini götürsəniz, danışıqlar üçün açığıq" - deyə "Total" təmsilçisi qeyd edib.

"Abşeron"dakı qaz ehtiyatları Azərbaycanın 2.6 trilyon kubmetr qiymətləndirilən ümumi təsdiqlənmiş ehtiyatlarını sübut edəcək. Bu günə qədər Azərbaycanda istehsal olunan qazın ümumi həcmi 800 milyard kubmetrdən çoxdur ki, bu da ölkənin ümumi proqnozlaşdırılan ehtiyatlarından yeddi dəfə azdır və qaz hasilatı və qaz ixracının inkişafı üçün əhəmiyyətli potensialdan xəbər verir. -0-