Azərbaycan informasiya-kommunikasiya texnologiyalarınn (İKT) inkişafına görə dünyanın 166 ölkəsinin arasında 64-cü yeri tutub. Ölkənin Cənubi Qafqaz qonşuları Ermənistan 74-cü, Gürcüstan 78-ci yerdədir. Ölkə 2013-cü illə reytinqdə 61-ci yeri tutub. 2012-ci ildə Azərbaycan 68, 2011-74, 2009-86-cı yerləri tutub.
Beynəlxalq Elektrorabitə İttifaqının (dünya ölkələrində informasiya-kommunikasiya texnologiyalarının inkişafı indeksi (ICT Development Index 2014) hesabatına görə, MBD ölkələri arasında ən yaxşı göstəriciyə Belarus malikdir (38). Sonra Rusiya gəlir (42). Qazaxıstan (53), Moldova (61), Ukrayna (73), Qırğızıstan (108), Özbəkistan (116). Tacikistan və Türkmənistan reytinqə daxil olmayıblar.
Reytinqdə ilk onluğa Danimarka, Cənubi Koreya, İsveç, İslandiya, Böyük Britaniya, Norveç, Niderland, Finlandiya, Honkonq və Lüksemburq daxildir.
İinformasiya-kommunikasiya texnologiyalarının inkişafı indeksi (ICT Development Index 2014) bu sahənin inkişafı baxımından dünya ölkələrinin nailiyyətlərini xarakterizə edən kombinə olunmuş göstəricidir. BMT-nin bölməsi kimi ixtisaslaşan və İKT sahəsində dünya standartlarını müəyyən edən Beynəlxalq Elektrorabitə İttifaqının metodikasına əsaslanır.
İndeks 2007-ci ildə 11 göstərici əsasında işlənib hazırlanıb. İndeks bu göstəriciləri vahid meyarla birləşdirir ki, bu da İKT-nin inkişafı sahəsində dünya ölkələrinin nailiyyətlərini müqayisə etməyə yönəlib və qlobal, regional və milli səviyələrdə müqayisəli təhlillərin aparılması üçün alət kimi istifadə oluna bilər.
Bu göstəricilər İKT imkanları, İKT-dən istifadə, həmçinin bacarıqlar, yəni araşdırmaların əhatə etdiyi ölkələrin əhalisinin bu texnologiyaları bilməsinə aiddir.
Araşdırma müəllifləri qeyd edirlər ki, hazırda İKT-nin səviyyəsi dövlətlərin iqtisadi və sosial rufahı üçün ən mühüm göstəricilərdən biridir.
Təşkilat İndeksi müntəzəm əsaslarla dərc edir ki, bu da ölkələrə dinamik dəyişiklikləri izləməyə imkan verir.—0—
İqtisadiyyat
-
Dövlət Statistika Komitəsinin açıqladığı məlumatlara görə, Azərbaycanın kənd təsərrüfatı sektoru 2024-cü ilin ilk səkkiz ayında istehsal artımı əldə edib. Kənd təsərrüfatı istehsalının ümumi həcmi 8.723 milyard manata çatmışdır ki, bu da keçən ilin eyni dövrünə nisbətən 0.8% çoxdur. Lakin bu artım, daxili kənd təsərrüfatını dəstəkləmək məqsədilə verilən əhəmiyyətli dövlət subsidiyalarına baxmayaraq, artan qida idxalı fonunda baş verir.
-
Azərbaycan bu ilin ilk səkkiz ayında güclü fiskal göstəriciləri açıqlayaraq, ölkənin qlobal qeyri-müəyyənliklər fonunda iqtisadi dayanıqlılığını vurğulayan dövlət büdcəsində pifit əldə etdiyini bildirdi. Maliyyə Nazirliyinin yayımladığı əməliyyat məlumatlarına görə, 2024-cü ilin yanvar-avqust ayları arasında dövlət büdcəsinin gəlirləri 25 milyard 223.4 milyon manata çatmış, xərclər isə 22 milyard 362.4 milyon manat olmuşdur.
-
Azərbaycan enerji balansını müxtəlifləşdirmədə əhəmiyyətli irəliləyişlər əldə edib və ölkənin elektrik enerjisi istehsalında bərpa olunan mənbələr getdikcə daha vacib rol oynayır. Yanvar-avqust 2024 üçün əməliyyat məlumatları göstərir ki, ümumi elektrik enerjisi istehsalı 19,235.4 milyon kilovat-saatə (kWh) çatmışdır ki, bu da daha yaşıl enerjiyə aydın bir yönəlməni göstərir.
-
Baş nazirin müavini Şahin Mustafayev və Rusiyanın kənd təsərrüfatı naziri Oksana Lutun sentyabrın 13-də Bakıda keçirilən zirvə görüşü zamanı vurğuladığı kimi, Azərbaycan və Rusiya arasında ikitərəfli əlaqələr, xüsusilə kənd təsərrüfatı sahəsində sürətlə inkişaf edir.
Rəy yaz