Azərbaycan Respublikasının Əmlak Məsələləri Dövlət Komitəsinin (ƏMDK) məlumatına görə, müsabiqədə iki iddiaçı iştirak edib. İkincinin adı çəkilmir. Müsabiqədə 3 il ərzində 16 230 610 (on altı milyon iki yüz otuz min altı yüz on) manat məbləğində investisiya qoyuluşunun yerinə yetirilməsini öhdəsinə götürən `Monolit-D Ltd`yə üsrünlük verilib. Belə böyük layihənin maliyyə mənbəyi barədə məlumat verilmir. Firma elə də məşhur deyil. Onun adı Dövlət Gömrük Komitəsinin neft ixracı barədə məlumatlarında çəkilir.
ƏMDK mətbuat xidmətində Turan-a dedilər ki, investisiya qoyuluşu nəticəsində müəssisədə 100 yeni iş yerinin açılması nəzərdə tutulur.
Müsabiqənin qalibi 2 400 000 (iki milyon dörd yüz min) manat məbləğində pul vəsaitinin dövlət büdcəsinə köçürülməsini, silinmək üçün 40 000 (qırx min) ədəd dövlət özəlləşdirmə çekinin təqdim edilməsini öhdəsinə götürüb.
Xatırladaq ki, Livanın `Ruby Rose Grour S.A.R.L` şirkəti 2006-cı ildə Azərbaycan məhkəməsinin qərarı ilə `Siyəzən Broyler` ASC-nin səhmlərinin 99,17%-dən məhrum edilib. Şirkət 2000-ci ildə investisiya müsabiqəsində bu fabrikin 85% səhmlərini almışdı. Sonrakı illərdə o, səhm payını 99,17%-ə çatdırmışdı. Livan şirklətinin qovulması üçün formal səbəb müəssisəinin yenidən qurulması üçün $35 mln ayrılması barədə öhdəliyə əməl edilməməsi idi. Bir sıra ekspertlər hesab edir ki, livanlıları sabiq iqtisadi inkişaf naziri Fərhad Əliyevlə əlaqələri üzündən cəzalandırıblar.
`Monolit-D Ltd` firması `Siyəzən Broyler`in dördüncü mülkiyyətçisidir. Əvvəlki müsabiqələrdə onun səhmləri investisiya müsabiqələrində `Mendor İnternational` (Britaniya) və `Baku Group` (ABŞ) şirkətlərinə satılıb. Öhdəliklər icra edilmədiyi üçün dövlət onlarla müqaviləni pozub.
`Monolit-D Ltd` `Siyəzən Broyler`in 3 556 6 66 səhmini alıb. O, işçilərə 4 ayda 640 min manat maaş borcunu ödəməlidir. Fabrikin 5,16 mln manat öhdəliyi var.
`Siyəzən Broyler`in nizamnamə kapitalı 16,7 mln manatdır. Səhmdarları 75 fiziki və hüquqi şəxsdir. Müəssisənin 5 döl zonası (64 sex), 6 broyler sahəsi (114 sex), kəsim və sanitar kəsim, qazanxana, anbar və s. var.
Fabrik 1985-ci ildə tikilib. Burada 1315 nəfər çalışır. 08B
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz