![Ekologiya nazirliyi turzm şirkətlərini xəbərdar etdi](https://turan.az/resized/media/2017/main/021100182936-750-500-resize.webp)
Ekologiya nazirliyi turzm şirkətlərini xəbərdar etdi
Ekologiya və Təbii Sərvətlər Nazirliyi əcnəbi, xüsusilə ərəb ovçu turistlərin ölkə ərazisində qanunsuz ovla məşğul olması ilə bağlı açıqlama verib. Qurum media və sosial şəbəkələrdə bu haqda məlumatlar və görüntülər yayılandan sonra hərəkətə keçib.
Açıqlamada deyilir ki, yayılan şəkillərin və görüntülərin təhlili onu ehtimal etməyə əsas verib ki, çəkilişlərin bir qismi Azərbaycanda aparılıb.
Payız-qış aylarında Azərbaycan ovçularına və xarici ölkələrdən gələn ovçu turistlərə xidmət göstərən Azərbaycan şirkətlərinə, müraciət əsasında qanunvericilik çərçivəsində kvota ayrılır. Beynəlxalq öhdəliklərdən, Azərbaycanın qoşulduğu konvensiyalardan irəli gələrək, o cümlədən Nazirlər Kabinetinin 2004-cü il 30 sentyabr tarixli qərarı ilə əcnəbilərə və vətəndaşlığı olmayanlara ov icazəsi verilməsi təsbit olunub.
Nazirliyin apardığı təhlillər göstərib ki, görüntülərdə əks olunan heyvan və quşların içərisində Azərbaycanın “Qırmızı Kitab”ına düşən növlər yoxdur.
Ovla bağlı kvotalara gəlincə, yerli ovçulara 1 ov günü müddətinə 6-dək, xarici vətəndaşlara 5 ov günü müddətinə 10-dək su-bataqlıq quşunun ovuna icazə verilir. Yerli ovçular 1 baş, xarici ovçular isə 2 baş dovşan ovlaya bilərlər. “Xarici turist ovçular əksər hallarda qrup halında ov edir və yekunda ov qənimətlərinin toplum halında şəklini yayırlar. Odur ki, ilkin təhlillərə görə, inzibati ölçü götürülməsi üçün ciddi araşdırma aparılması tələb olunur”, açıqlamada belə deyilir.
Nazirlik xaricilərin ovunu təşkil edən şirkətlərin də fəaliyyəti təhlil edir. Turizm şirkətləri gələn ovçu turistləri əvvəlcədən təlimatlandırmaq məqsədilə xəbərdar edilib.
Ekologiya və Təbii Sərvətlər Nazirlyi bu ov mövsümündə ərəb ölkələrindən gələn 16 ovçu-turisti ölkənin ov qanunlarını pozduqlarına görə cərimələyib. Nazirliyin təqdimatı əsasında onların ölkədən xaric ediliblər. 08D
-
- İqtisadiyyat
- 11 Fevral 2017 13:08
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz