Əmək münasibətləri muzdlular üçün daha əlverişli olacaq

Bundan sonra əmək münasibətləri fərdi müqavilə bağlanandan sonra yox, müqavilə Əmək Nazirliyinin elektron sistemində qeydiyyata alınandan sonra başlayacaq.
İyulun 1-dən qüvvəyə minəcək Əmək Məcəlləsində başqa yeniliklər də var.   Əmək müqaviləsi bağlanan zaman təkcə ad, soyadı, ata adı, şəxsiyyət vəsiqəsinin nömrəsi və s yox, sənədin Pin kodu da göstəriləcək. İşəgötürən hüquqi şəxsdirsə, müqaviləyə vergi ödəyicisinin fərdi nömrəsi, icbari sosial sığorta üzrə uçot kartının nömrəsi (özünün və muzdlu işçinin) yazılır. Fiziki şəxs isə bunlarla yanaşı pasport məlumatları və Pin kodu qeyd edir.
Müqavilədə işçinin funksiyası, müqavilənin bağlandığı tarix, əməkdaşlığın başlandığı tarix, müqavilənin müddəti, öhdəliklər göstərilir. İş rejimi, məzuniyyət vaxtı, maaş və əlavələr (cərimələr), sosial və başqa şərtlər, sosial güzəştlər – fiziki reabilitasiya imkanı da daxil göstərilməlidir.
Bundan başqa, iş yerinin statusu (əsas və ya əvəz etmə), başqa vacib şərtlər qeyd edilməlidir. İşçinin işinin vəziyyətinin dəyişməsi (maaşın artımı və ya zalması, karyera artımı, işdən çıxarılma) online rejimdə olacaq.
Əmək Nazirliyinə məlumat verilməklə elektron fərdi müqavilə bağlanması icbaridir. Əmək Müfəttişliyi pozucuları 7-10 min manat cəzalandıracaq. Residiv və ya ağırlaşdırıcı hallarda 3 ilədək azadlıqdan məhrumetmə tətbiq ediləcək.
Dövlətstatkoma görə, ölkədə 4 mln 757,8 min iqtisadi aktiv əhali var. Bunun 4 mln 521,2 mini məşğuldur.
DSMF-nin 1 yanvar 2014-cü il üçün məlumatına görə, 2 mln 691 min 357 nəfərin fərdi icbari sosial sığorta hesabı var. --17D—