![Gömrük sahibkarlarla «centlmen sazişinə» gedir](https://turan.az/resized/media/2015/main/030300108577-750-500-resize.webp)
- İqtisadiyyat
- 3 Mart 2015, 11:13
- 79
Gömrük sahibkarlarla «centlmen sazişinə» gedir
Fevralın 28-də Dövlət Gömrük Komitəsində xarici ticarət iştirakçıları ilə görüşdə idxal edilən malların gömrük qiyməti ilə əlaqədar «centlmen sazişi» əldə edilib.
DGK mətbuat xidmətinin məlumatına görə, Dövlət Gömrük Komitəsi sədrinin birinci müavini Səfər Mehdiyev sahibkarlara bildirib ki, idxal-ixrac əməliyyatları zamanı gömrük qiymətləndirilməsində müəyyən güzəştlər ediləcək. Amma bu güzəştlər barədə konkret məlumat yoxdur.
Manatın dollara nisbətdə məzənnəsi 34% devalvasiya ediləndən sonra ekspertlər ixrac mallarının bahalanacağını bildirirdi. Amma Azərbaycan reallığı göstərir ki, gömrükçülərin imkanları hüdudsuzdur və hələlik xarici malların pərakəndə satış qiymətləri əvvəlki səviyyədədir.
İqtisadçı Rövşən Ağayevin sözlərinə görə, yəqin, “güzəşt” deyəndə "minimum qiymət"ə müvəqqəti «moratorium» nəzərdə tutulur. İndiyədək gömrükdə rüsum və vergi hesablananda qaimədəki qiymət yox, öz metodologiyaları ilə hesablanan qiymət götürülürdü.
O, hesab edir ki, belə saziş nə idxalçıların, nə də istehlakçıların maraqlarına cavab verir. «İdxalda rəqabət mühiti yaradılmasa, rəsmi ödənişlərin malın gömrük dəyərinə nisbəti orta hesabla hazırkı 30-35%-dən 20%-dək endirilməsə, ərzaq bazarında vəziyyət qeyri-sabit olacaq”.
Qeyd edək ki, ötən həftə DGK rəhbəri Aydın Əliyev bildirmişdi ki, manatın devalvasiyası gömrük yığımına təsir etməyəcək. Çünki baza valyutası ABŞ dolları olub və bundan sonra da belə olacaq. Müstəqil ekspertlər hesab edir ki, idxalçılar gömrük yığımını manatla ödədiyi üçün gömrük mədaxili proqnozdan (1 mlrd 590 mln manat) çox olacaq.
Qeyd edək ki, gömrükçülərlə idxalçılar arasında razılaşmanın ilk əlaməti görünür. Tütün məmulatına aksiz dərəcəsi tətbiq ediləndən əvvəl (1 martda qüvvəyə minib) siqaretin pərakəndə satış qiyməti 30-60% bahalanmışdı. Paradoksaldır ki, bu gündən (2 mart) siqaretin satış qiyməti devalvasiyadan əvvəlki səviyyəyə endirilib. 08B
-
- İqtisadiyyat
- 3 Mart 2015 11:08
-
- Cəmiyyət
- 3 Mart 2015 11:38
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz