Hesablama Palatasının növbəti iclası

Hesablama Palatasının iclasları bu il daha tez-tez keçirilir. 9 apreldə (bir gün əvvəl də olmuşdu) Palata Kollegiya iclasında Biləsuvar və Sabirabad rayonları, həmçinin Aqrar Universiteində auditin nəticələrini təsdiq edib.

Heydər Əliyev adına liseyə, M.F.Axundov adına Azərbaycan Milli Kitabxanasına, “Yaddaş” sənədli filmlər studiyasına ayrılan vayrılan vəsaitlərin proqnozlaşdırılması və icrasına dair auditlərin nəticələri üzrə Rəy və Hesabatlar müzakirə olunaraq təsdiq olunb, nəzarət tədbirlərinin nəticələri barədə Milli Məclisə məlumatların təqdim edilməsi qərara alınıb. 

 Həmçinin Tərtər və Oğuz rayonlarının yerli icra hakimiyyəti orqanları tərəfindən dövlət mülkiyyətində olan torpaqlardan istifadə vəziyyəti üzrə, habelə Azərbaycan Respublikası Dövlət Sosial Müdafiə Fondunun Ağdaş rayon şöbəsinin gəlir və xərclərinin icrasına dair Audit proqramları təsdiq edilib. Planda Meliorasiya və Su Təsərrüfatı ASC-nin Hacıqabul Suvarma Sistemləri İdarəsi və Pirsaat Qış Otlaqları Su Təminatı Sistemlərinin İstismarı İdarəsinə ayrılan vəsaitlərin proqnozlaşdırılması və icrasına dair audit proqramlarının təsdiqi də var. 

 Hesablama Palatası 7 dekabr 2001-ci ildən fəaliyyət göstərir və büdcə vəsaitlərinin xərclənməsinə nəzarət edir. Rəhbər işçilər (Kollagiya üzvləri – sədr, müavinləri və 7 auditor) 7 ildə bir dəfə seçilir. 

Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir. 

   “İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir. --17D—