Okkultizm iqtisadiyyatın yeni sektoru kimi

Ötən il ölkə vətəndaşları ekstrasens, şaman, falçı və astroloqlara $200 mln ödəyib. Bunu İqtisadi və Sosial İnkişaf Mərkəzinin sədri Vüqar Bayramov bildirir. 

Bu, təkcə iqtisadiyyatın bir sektoru deyil, ölkə üçün iri rəqəmdir və Prezident Administrasiyasına büdcə xərclərindən dəfələrlə çoxdur. Ölkədə elmə xərclər büdcədə 130,5 mln manatdır ($166,2 mln). Məktəbəqədər və ibtidai təhsilə 145,8 mln manat ($185,7 mln), poliklinika və ambulator müalicəyə 98,08 mln manat ($125 mln) büdcə xərcləri gedir. Məhkəmə sisteminə büdcədə 41,41 mln manat ($52,8 mln), milli təhlükəsizliyə 106,44 mln manat ($135,6 mln) ayrılıb. Okkultizmə marağın bir çox səbəbi var: qiyamət haqda məlumatlar, hökumət proqnozlarına inamsızlıq və s. Sosial sorğular göstərir ki, əhalinin beşdə biri yerli səhiyyəyə inanır. Bir çoxları MDB və İrana üz tutur. Ara həkimlərinə xeyli vəsait xərclənir. Üçüncü səbəb işsizlikdir. 

Ərzaq təhlükəsizliyi proqramı çərçivəsində aqrar sektora 125 mln manat ($159,2 mln), SKMF-yə 150 mln manat ($191,1 mln) ayrılıb. Bunlar azdır. Rəsmi məlumata görə, (http://static.bsu.az/w8/Xeberler%20Jurnali/Tebiet%20%202011%20%202/168-172.pdf), ölkədə torpaqların 41,8%-i eroziyaya məruz qalıb. 

Mədəniyyət və təhsilə az vəsait ayrılır. Heydər Əliyev Fondu daha çox fəallıq göstərir. Hökumət mədəniyyət və təhsilə ildə 120,79 mln manat ($153,8 mln), radio, TV və nəşriyyat işinə 61,26 mln ($ 78 mln), bədən tərbiyəsi, idman və turizmə 48,97 mln manat ($62,38 mln) ayırır. İnvestisiya layihələrinə birbaşa büdcə xərcləri (ARDNF-də transfertlər nəzərə alınmadan) bu il 6 mlrd 934,23 mln manat ($8,83 mlrd) olacaq. Buraya meliorasiya, nəqliyyat, kommunal xidmət üzrə milyardlarala dotasiyanı da əlavə etmək olar. --17D--