![Hökumətin fövqəladə iclası](https://turan.az/resized/750/500/resize/media/2013/main/041500034618.jpg)
Hökumətin fövqəladə iclası
Aprelin 14-də hökumətin 2013-cü ilin I rübündə ölkənin sosial-iqtisadi inkişafının yekunlarına həsr edilmiş iclası keçirilib. Ənənəvi olmayan bazar günü iclasında prezident İlham Əliyev məruzə edib. Mətn hələ mətbuata verilməyib.
Bu, dövlət başçısının ilin əvvəlindən hökumət iclasında üçüncü çıxışıdır. Birincisi yanvarın 15-də 2012-ci ilin sosial-iqtisadi inkişafının yekunlarına həsr edilmiş iclasda, ikincisi 12 fevralda 2009-2013-cü illərdə regionların sosial-iqtisadi inkişafı proqramının həyata keçirilməsi ilə bağlı olub. Prezidentin ilk iki iclasdakı hesabat və qiyməti ziddiyyətli olub.
Yanvarda o, ÜDM-in 2,2%, qeyri-neft sektorunun 9,7% artmasından (Neft Fondundan maliyyələşən investisiya layihələri hesabına) danışıb. Makroiqtisadi göstəricilərin artımı $22 mlrd investisiya cəlb etməyə imkan verib, bunun $13 mlrd-ı dövlət sərmayəsidir. İşsizlik səviyyəsi 5,2% olub, yoxsulluq səviyyəsi il ərzində 7,6-dan 6%-ə düşüb. Prezident bu il bu götəricini sıfıra endirməyi vəd edib.
2013-cü il üçün perspektivdən danışan Əliyev qeyd edib ki, dövlət büdcəsinin xərclər hissəsi 20 mlrd manata (ÜDM-in 35,65%-i) artıb. Bunun 6 mlrd 915,2 mln manatı və ya 34,9%-i dövlət investisiya proqramlarına – yol tikintisi, meliorasiya obyektləri, su, qaz və kanalizasiya kəmərlərinin çəkilməsi, alternativ energetikaya xərclənəcək. Bu il işə salınan elektrik stansiyaları əlavə 1 min meqavatt elektrik enerjisi verəcək və ölkənin enerji təhlükəsizliyini gücləndirəcək.
Amma İsmayıllıda etiraz aksiyalarından sonrakı 12 fevral çıxışında o, etiraf edib ki, yüksək rütbəli məmurların hərəkətləri sosial-iqtisadi inkişaf xəyalına uyğun gəlmir. O açıq deyib ki, vəziyyətdən xəbərdardır və onun yanlış məlumatlandırılması barədə ehtimallar rədd olunub. Əliyev etiraf edib ki, sahibkarların öz vəsaiti hesabına rayonlarda zorla abadlıq işlərinə cəlb edilməsi yolverilməzdir. Həmçinin kənd təsərrüfatında korrupsiyadan danışıb, məmur özbaşınalığı ilə qəti mübarizə zərurətini qeyd edib.
Aprel çıxışının mətni hələ yoxdur, amma I rübdə iqtisadi vəziyyətə nəzər salsaq, prosesdə yırğalanma var. Təkcə ARDNŞ xarici aktivləri artırmaq siyasətini fəal şəkildə davam etdirib. O, martda Hollandiyanın Moeller-Maersk şirkəti ilə İzmirdə liman tikintisi barədə saziş imzalayıb. Sənədə əsasən, 2015-ci ilə kimi limanın ilk növbəsi və Egey terminalı istismara veriləcək. İnvestisiya $300 mln, ilkin buraxılış qabiliyyəti 1,5 mln (potensial 4 mln) konteynerdir. ARDNŞ-nin məlumatına görə, bu fonda aprelin 1-i üçün neft ixracı ötən ilin 1 apreli ilə müqayisədə 11,6% azalıb.
İnvestisiya layihələri hesabına 3 ayda ÜDM artımı 3% olub. Bu isə ekstensiv iqtisadi artımdan xəbər verir. Qeyri-neft sektorunda korrupsiya, inhisarçılıq, qeyri-sağlam rəqabət, sahibkarların azadlığının məhdudlaşdırılması halları artıb.
Bazar günü iclas keçirilməsini prezident seçkiləri ilində dövlət başçısının hökumətin işindən narazılığı ilə bağlayırlar. Beş il əvvəl Əliyev bir neçə saatlığa ölkədə elektrik enerjisi olmayanda şənbə günü fövqəladə iclas keçirmişdi və heç də bütün nazirlər yığıncağa vaxtında gələ bilməmişdi.—0—
-
- İqtisadiyyat
- 15 Aprel 2013 13:51
-
- İqtisadiyyat
- 15 Aprel 2013 14:04
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz