Subsidiya alan fermerlərin adbaad siyahısı açıqlanıb
Kənd Təsərrüfatı Nazirliyi informasiya mənbəyində (www.agro.gov.az) taxıl və çəltik becərilməsinə görə maddi yardım alanların adbaad siyahısını yerləşdirib. Bu addım dövlət büdcəsindən kənd təsərrüfatı subsidiyalarının paylaşdırılmasının tam şəffaflığını təmin etmək məqsədi ilə atılıb.
Bu ilin aprel ayında kənd təsərrüfatı naziri Heydər Əsədovun rəhbərliyi ilə kənd təsərrüfatı subsidiyalarına dair Respublika komissiyası dekabrın 1-ə qədər taxıl əkininə görə 150 min fermer və hüquqi şəxsə 20 mln 153,65 min manat ayrılmasına dair qərar qəbul edib.
Siyahıya əsasən, hamıdan çox Cəlilabad (2 163,5 min manat) və Şəki rayonu (1 239,3 min manat) əkinçiləri alacaq.
Taxıl və çəltik əkilən hər hektara görə fermerlər əlavə 40 manat alacaq. Bundan əlavə, fermerlərə hər 1 hektar torpağın becərilməsi üçün yanacaq-sürtkü materiallarının alınmasına 40 manat verilir.
Azərbaycanda 2007-ci ildən hökumət həmçinin alıcı şirkətlərə mineral gübrələrin dəyərinin 50%-i ödəyir. Bu il həmin məqsədlər üçün dövlət büdcəsindən 125 mln manat subsidia ayrılması nəzərdə tutulub. Vəsaitlər “Kapital Bank” ASC vasitəsilə paylaşdırılır.
Dövlət başçısı dəfələrlə bildirib ki, kənd təsərrüfatı subsidiyaları fermerlərə gedib çatmır və onların müəyyən edilməsi və verilməsi mexanizminin təkmilləşdirilməsini tələb edirdi.
Dövlət Statistika Komitəsinin məlumatına görə, 2013-cü ildə Azərbaycanda 1 898 min ton (+2,7%) buğda və 4947 ton çəltik (+27,6%) istehsal olunub. Ancaq bu rəsmi rəqəmlər şübhəlidir. Son 10 ildə Turanın apardığı araşdırmalar göstərir ki, demək olar ərzaq buğdasına olan tam tələbat, bu isə 1,5 mln tondur, idxal hesabına ödənilir. Əsas taxıl tədarükçüsü Qazaxıstan və Rusiyadır.
Buna qədər dövlətdən ünvanlı sosial yardım alanların adbaad siyahısını Əmək və Əhalinin Sosial İnkişaf Nazirliyi açıqlayıb. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz