"Azərbaycan Polad İstehsalı Kompleksi" QSC-nin nizamnamə və strukturu təsdiq edilib

Nazirlər Kabineti aprelin 30-da 117 nömrəli qərarı ilə "Azərbaycan Polad İstehsalı Kompleksi" QSC-nin nizamnamə və strukturunu təsdiq edib.

SC-nin nizamnamə kapitalı 2 mln manatdır. Bu vəsait dövlət büdcəsindən ödəniləcək.2 mln adi sənədsiz səhm buraxılıb, amma onlar dövlət qeydiyyatından keçirilməyib. Bütün səhmlər dövlətindir. SC-nin aparatı Binəqədi rayonunda yerləşəcək (Atatürk prospekti, 57С). Hələlik onun strukturuna bir hüquqi şəxs ("Daşkəsən Filizsaflaşdırma" ASC) daxildir. SC idarə, nümayəndəlik və filiallar təsis edə bilər. İdarə Heyəti 4 nəfərdir. Onları ölkə prezidenti təyin edir. Şirkətin yenidən təşkili və ləğvi hüququ da prezidentə məxsusdur. 

Cəmiyyətin əsas məqsədi dəmir filizinin hasilatından polad istehsalına qədər bütün mərhələləri əhatə edən polad istehsalı kompleksinin layihələndirilməsindən, tikintisindən və idarə olunmasından ibarətdir. Əvvəllər bu işi Britaniyanın Det.Al Limited şirkəti görürdü. Şirkət layihəyə $350 mln vəsait qoymalı idi. Amma hökumət onunla müqaviləni ləğv etdi. Bu ASC-nin nizamnamə kapitalı 1 063,1 min manatdır.

Maraqlıdır ki, “Baku Steel Company” də Gəncədə analoji müəssisələr tsikli yaratmaq istəyirdi və hələlik dövlətlə rəqabətindən imtinası barədə bəyanat verməyib. Bu yaxınlarda İqtisadiyyat və Sənaye Nazirliyi “Marubeni Corporation” (Yaponiya) şirkəti ilə о APİK QSC-nin layihələndirilməsi və sonrakı fəaliyyətinin təmin eidlməsi ilə bağlı müqavilə bağlayıb. .         

Qeyd edək ki, nizamnamə APİK QSC-nin İH sədrinə «fəaliyyətinin səmərəli təşkili üçün» birgə müəssisə yaratmaq səlahiyyəti verir.--08D—