Bank VTB (Azərbaycan) bazara yeni məhsul - fərdi sahibkarlar üçün nəzərdə tutulmuş 15 000 manatadək olan “Kommersant-ekspress” krediti təqdim etmişdir. Kredit fiziki şəxslərin – fərdi sahibkarlar və ya şirkət rəhbərlərin zəruri istehlak tələbatlarını ödəmək üçün nəzərdə tutulmuşdur.
Məhsulun konsepsiyası müasir dövr üçün unikaldır. Belə ki, sahibkarlıq fəaliyyətinə yeni başlamış istənilən şəxs, yəni 6 aydan az olmayan müddətə biznes fəaliyyəti ilə məşğul olan şəxs müvafiq kreditdən istifadə edə bilər.
Bank VTB (Azərbaycan) ASC-nin pərakəndə biznesin inkişafı Departamentinin direktoru Tural Vəliyev: ““Kommersant-ekspress” krediti Azərbaycanda kiçik və orta sahibkarlığın istehlak tələbatını ödəməyə yönəldilmişdir. Sirr deyil ki, əksər sahibkarlar bütün vəsaitlərini biznesin genişləndirilməsinə yönəldir. Lakin bəzən şəxsi tələbatları ödəmək üçün nəsə əldə etmək zərurəti yaranır. Bizim yeni məhsul sahibkara imkan verir ki, öz dövriyyə vəsaitlərinə toxunmadan, istehlak tələbatını ödəmək üçün kreditdən istifadə etsin”.
* Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 5 filial və Baş ofisdə yerləşən Müştəri xidmətləri idarəsi ilə təmsil olunub. ®
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz