Bakıda sənət bayramı

 

Qızmar yay günlərinin birində “Bakının göbəyi” sayılan İçərişəhərdə “Yeddi gözəl” düzülmüşdü. O, qarşısından keçən hər kəsi heyrətləndirə bilmişdi. Söhbət bir-birinin üzərinə yığılmış yeddi rəngdə olan yeddi ədəd “armudu” stəkandan gedir. Hündürlüyü ilə göz oxşayan bu heylkəltəraşlıq nümunəsinə rəssamın “Yeddi gözəl” adını verməsi heç də təsadüfi deyil...

 Rəssam Nail Ələkbərovun yaratdığı bu əsərin əsas “qəhrəmanı” “armudu” stəkandır. Rəssam deyir ki, “armudu” stəkan qadın bədəninin cizgi və formasını xatırladır. Məhz bu səbəbdən N.Ələkbərov dahi Nizami Gəncəvinin yeddi gözəlini təsvir etmək üçün stəkanlara əl atıb. 

Bu müasir incəsənət əsəri Bakıda keçirilən “012 Bakı Public Art Festival” çərçivəsində təqdim olunub. Müasir Azərbaycan incəsənətinin inkişafı və təbliği ilə məşğul olan “YARAT!” təşkilatının təşəbbüsü və Azercell Telekom MMC-nin dəstəyi ilə baş tutan bu festival bir neçə ay ərzində maraqlı və ecazkar, insanın ruhunu dincəldən sənət əsərləri ilə göz oxşadı.

Festival bitsə də, özündən sonra buraxdığı xoş təəssüratları hələ uzun zaman dillərdə gəzəcək. 21 tanınmış, həm də yeni fəaliyyətə başlayan rəssamların bir neçə ay ərzində paytaxt sakinlərinə təqdim etdikləri sənət əsərləri məhz belə düşünməyə əsas verir. Bu əsərlərdə Bakının adət-ənənələri, mədəni irsi öz əksini tapıb. Həmçinin rəssamlar şəhərdə tarixi keçmişi olan bir sıra yerləri öz əsərlərində əks etdiriblər. Onlar tarixçilərlə birlikdə məlumat toplayaraq seçdikləri yerlərin - binaların, küçələrin, parkların və hətta ayrı-ayrı eyvanların tarixini ətraflı şəkildə öyrənəndən sonra bunu öz əsərlərində göstəriblər.

Açılış mərasimi “ÜNS” Yaradıcılıq Səhnəsi”ndə keçirilən “012 Bakı Public Art Festival”ı sənət aşiqlərinə sözün əsl mənasında sovqat oldu. Rəssamlar öz bacarıqlarını göstərdilər, sənət sevərlər isə festival boyunca biri-birindən maraqlı və gözəl sənət əsərləri ilə tanış olmaq fürsəti qazandılar.    

Festival həm də ona görə yaddaqalan oldu ki, burada gənc, yaradıcılığa yenicə qədəm qoyan rəssamlarla yanaşı, tanınmış sənətkarlar da iştirak ediblər. Layihədə özlərini tam azad hiss edən rəssamlar duyduqlarını, hiss etdiklərini öz əsərləri vasitəsilə göstəriblər. Həmçinin, layihə ilk dəfə olaraq qapalı çərçivədən çıxaraq, böyük bir kütləyə təqdim olunması baxımından da maraqlı idi. Yeri gəlmişkən, fesivalın müddəti Belə ki, bir həfəərzində eksponatların hamsı nümayiş olunub. Festival çərçivəsində təqdim edilən əsərlər insanların çox olduqları məkanlarda yerləşdirilmişdi. Nəticədə şəhərimizin sakinləri və qonaqları həmin yerlərdə gəzərkən bu əsərləri seyr edə bilirdilər. Sonradan isə hər həftə rəssam və heykəltəraşlardan biri öz işinin  təqdimatını keçirib. Beləliklə, bir eçə ay ərzində əsl sənət bayramı baş tutub.  

21 həftə müddətində davam edəcəkdir. Layihə planı çərçivəsində hər cümə günü növbə ilə rəssamlar öz əsərlərini seçdiyi ərazidə yerləşdirib təqdim edəcəklər. Bu, şəhər üzrə keçirilən festivalın bir hissəsi olaraq tamaşaçıya hər bir rəssamın əsərini ayrılıqda qiymətləndirməyə imkan yaradacaqdir. 

Odur ki, Bakıda böyük anşlaqla keçən “012 Bakı Public Art Festival”ı da “Azercell”in maliyyələşdirdiyi növbəti uğurlu layihələrindən hesab edilir. Festival çərçivəsində hər cümə günü növbə ilə rəssamların öz əsərlərini seçdikləri ərazidə sərgələmələri tamaşaçıya hər bir rəssamın əsərini ayrılıqda qiymətləndirməyə imkan yaradırdı.

Beləliklə, rəssamlar öz əsərlərini daha açıq məkanda, geniş şəkildə təqdim edərək qalereyaların və muzeylərin yaratdığı müəyyən məhdudiyyətdən azad olaraq, tam yaradıcılıq sərbəstliyi əldə edirdilər. 

Bu sərgidəki işlər rəssamların təkcə spesifik mühitin vizual interpretasiyasını deyil, həmçinin 21- yaşdan 69 yaşa qədər olan nəslin nümayəndələrinin fikirlərini, sosial, sosioloji və mədəni dəyişiklikləri əks etdirir.

Xüsusi qeyd etmək lazımdır ki, idiyə kimi də “Azercell” dəfələrlə incəsənətin təbliğinə xidmət edən bu cür tədbirlərə öz imzasını atıb. Bunların sırasında “Alış-veriş incəsənətdir” şüarı ilə Art Festivalı, hazırda Bakıda reallaşdırılan “Avropa Film Festivalı”nı, Venesiyanın məşhur incəsənət salonunda srginin təşkili və digərlərini göstərmək olar. 

Bunlardan əlavə, “Azercell Telekom” MMC Azərbaycanın xalq artistləri, professorlar Fidan və Xuraman Qasımova bacılarının konsertlərinə, yubileylərinə və videokliplərinin ərsəyə gəlməsinə yaxından köməklik göstərib. Sənətkara sağlığında qiymət verilməlidir – prinsipini əldə rəhbər tutan “Azercell” mərhum xalq artistləri Mirzə Babayev və Nəsibə Zenalovanın sağlığında, onların sonuncu yaradıcılıq gecələrinin keçirilməsinə də məhz “Azercell” yardımçı olub.

Bu baxımdan da “Azercell Telecom” MMC-nin sponsorluq etdiyi “012 Bakı Public Art Festival”ı paytaxt sakinləri və qonaqları üçün əsl sənət bayramı oldu. Bir neçə ay ərzində incəsənət vurğunlarının gözləri dincəldi, ruhları təzələndi.

 

 

Rəy yaz

Mədəniyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti