Latviyanın Azərbaycan Respublikasındakı Səfirliyi Latviya İncəsənət Akademiyası və Sigulda regionunun sənətkarları ilə birgə əməkdaşlıqla “davamlı yaşam üçün GÖZƏMƏYƏ BAŞLA” adlı tekstil layihəsini təqdim edir.
Sərginin tərəfdaşları “QGallery” və “PlatformArt” şirkətidir. Sərgi çərçivəsində İncəsənət Gimnaziyasının tələbələri və “Aygün” firmasının sənətkarları ilə ustad dərsləri keçiriləcək.
Sərginin açılışı 18 noyabr 2022-ci il tarixində saat 18:00-da Daş Salnaməsi Muzeyində olacaq (ünvan: Milli Bayraq Meydanı).
Dünyanı “düzəltmək” hər zaman olduğundan daha aktualdır. Dünya tikişlərdə hissələrə parçalanır. Sərhədlər pozulur, bir çox siyasi və iqtisadi quruluşlar dağılır. Resurslar kütləvi şəkildə istehsal olunur və gələcək nəsillərə çox şey qalmır.
Müharibə, deportasiya, aclıq görmüş yaşlı nəslin vərdişlərini araşdırarkən, belə nəticəyə gəlmək olur ki, əşyalardan uzun müddət istifadə etmək və mövcud iqlim dəyişikliyi vəziyyətində onları düzəltmək ən rasional həll yollarından biri ola bilər.
Corablar 21-ci əsrin istənilən məhsulu üçün gündəlik istehlakda metafora kimi sreçilmişdir.
Corablar müasir və qədim etnoqrafiyada ən sadə və ən əvəzolunmaz geyimdir. Onlar eyni zamanda müxtəlif kontekstlərdə etalon kimi də dəyərləndirilir.
Latviyanın yeni doğulmuş körpələrə, xəstələrə, döyüş meydanına gedən əsgərlərə corab vermək kimi çoxəsrlik ənənəsi var. Corablar hər bir kəsin həyatında ilk geyimlərdən biridir, həyatın ən xoşbəxt və ən çətin anlarında yol yoldaşıdılar və hətta son yolçuluqda belə.
Corabın həyat dövrü və xarekteri ardıcıl mərhələlərdə təsvir olunur — toxunuşu, geyilməsi, köhnəlməşi və yamanması. Qızıl sap corabın ona sərf olunan resurslar, vaxt, bacarıqlar, iqtisadi və emosional baxımdan nə dərəcədə dəyərli olduğunun göstərilməsinə aid məcazi bir mesajdır. Buna görə də corabı gözəməyə dəyər.
Corablar Latviyanın Milli Tarix Muzeyində saxlanılan orijinallardan hazırlanmış nüsxələrdir,onların tarixi 18-ci əsrin ikinci yarısına aid edilir və Latviyanın müxtəlif bölgələrindən toplanıb.
Manjet hissəsi həndəsi naxışlarla təbii boyalı yun iplə toxunur. Muzeyin kolleksiyasında iki eyni coraba rast gəlmək mümkün deyil, hər bir corabın özünəməxsus manjeti və fərqli kodları var.
Corabları yamamaqla siz eyni zamanda dünyanı düzəltmiş olursunuz. Bunu hər birimiz edə bilərik! İstehlakı azaltmağa başlayın, öz əşyalarınızı təmir edin və ekologiyaya nə dərəcədə xeyir verdiyinizin şahidi olun! ®
Mədəniyyət
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
Rəy yaz