Bakı/23.05.19/Turan: Bakının mərkəzində tarixi binanın (molokanların keçmiş ibadətxanası) qorunması uğrunda mübarizəsi ilə məşhurlaşan Salaam Cinema İctimai Gənclər Birliyi mayın 23-dən 26-na qədər Süleyman Rüstəm küçəsi, 10 ünvanında yerləşən bu binada IN-VISIBLE kino festivalını keçirir.
Festivalın təşkilinə digər qeyri-formal gənclər təşkilatları da qoşulub.
Tədbir Niderlandın Azərbaycandakı səfirliyinin təşkilati dəstəyi ilə keçirilir.
Festival çərçivəsində mayın 23-də saat 19:00-da "Bığlı qadın. Saqqalsız kişi" adlı bədii sərginin açılışı olacaq.
Saat 19:15-də ODA teatrının ifasında "Qadın səsi" teatr tamaşası nümayiş olunacaq.
Saat 20:00-da Kann festivalının qalibi (2018), Hollandiyalı rejissor Lukas Horstun "Qızlar" filminin nümayişi olacaq.
Saat 22:30-da konsert başlayacaq.
Festival günləri ərzində səkkiz filmin nümayişi və daha sonra müzakirələri olacaq.
Women sənədli filmi Azərbaycan kinematoqrafçıları tərəfindən çəkilib. Bütün filmlər Azərbaycanda ilk dəfə nümayiş olunur, deyə Salaam Cinema fəallarından Leyli Qafarova Turan-a bildirib.
"Binanın gələcək statusunun və taleyinin müəyyən edilməsi ilə məşğul olması tapşırılan Gənclər Fondundan bildiriblər ki, biz iki ay burada qala bilərik", deyə Qafarova bildirib.
Digər gənc fəal İlkin Hüseynov bildirib ki, fəallar binanın dövlət tərəfindən mühafizə olunan tarix və ya memarlıq abidəsi statusu alacağı anı gözləyirlər.
Salaam Cinema bu ilin fevralında 1913-cü ildə tikilmiş və tərk edilmiş binanı kirayə götürüb. Orada kino nümayişləri, sərgilər, mədəniyyət mövzusunda müzakirələr aparılırdı.
Mayın əvvəllərində bina sahibi polisin dəstəyi ilə fəalları köçürməyə çalışıb.
Gənclər ictimaiyyətin dəstəyi ilə binanı müdafiə edib, gecə-gündüz növbə çəkib.
Mayın 7-də birinci vitse-prezident Mehriban Əliyeva bildirib ki, Bakıda Süleyman Rüstəm küçəsində qədim bina ətrafında yaranmış vəziyyət dövlətin nəzarəti altına götürülüb. -0-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz