İstanbul/19.02.23/Turan: Dünya miqyaslı Azərbaycanlı nasir, dramaturq, ssenarist və rejissor Rüstəm İbrahimbəyovun nəsr əsərlərinin daxil edildiyi 8 kitabın birincisi “Bir cənub şəhərində” adıyla çap edilib.
İstanbuldakı “Nestor” nəşriyyatının çap etdiyi kitaba “Bir cənub şəhərində” və “Sakiit gün” əsərləri daxil edilib.
Kitabı türk dilinə Turan Agentliyinin Türkiyə təmsilçisi, filologiya elmləri namizədi Mayis Əlizadə tərcümə edib.
Rüstəm İbrahimbəyovun nəsr əsərləri silsiləsindən ilk kitabının Türkcə çıxması münasibətiylə verdiyi açıqlamada Mayis Əlizadə deyib: ”Rüstəm İbrahimbəyov kimi dünya nəsrinin böyük ustasının kitabının Türkcə çıxması Türkiyə üçün önəmli hadisədir. Nəşriyyatın sahibi Taleh Bağıyev də mən də, dizayner Sevinc Ələkbərova, redaktor Şəfiqə Babayeva da işə maksimum diqqətlə yanaşmışıq.
”Bir cənub şəhərində ” kitabının arxa qabığı üçün yazdığımız yazıda İbrahimbəyovun üslubunun William Faulkner və James Joyce ilə eyni paraleldə olduğunu qeyd etmişik.
Kitab barədə Türk mətbuatına xəbərlər yazacaq, önəmli köşə yazarlarına göndərəcək, təqdimat mərasimləri keçirəcək, topdan və pərakəndə satışa verəcəyik.
İbrahimbəyovun nəsr əsərlərinin hamısının daxil olduğu daha 7 kitab da çapa hazırdır, yaxın gələcəkdə mətbəyə göndərəcəyik. Planımızda İbrahimbəyovun dram əsərlərinin də tərcüməsi və çapı var.
Türkiyənin kino ictimaiyyətinin yaxşı tanıdığı Rüstəm İbrahimbəyov 2011-ci ildə Antalya Altın Portakal Film Festivalının “Ömür Boyu Şərəf Mükafatı”na layiq görülmüşdü. Onun nəsr əsərlərinin Türkiyənin geniş oxucu kütləsinə təqdim edilməsi və dram əsərlərinin səhnəyə qoyulması üçün lazım olan bütün işləri görəcəyik. İlk təqdimat mərasimlərindən biri Türkiyə PEN Klubunda olacaq”.
Rüstəm İbrahimbəyovun Türkcə ilk nəsr kitabının çıxması ədəbiyyat və mədəniyyət sahəsində Türkiyənin ən güclü özəl fondu olan İstanbul Kültür ve Sanat Vakfının da diqqətini cəlb etmiş və İKSV daha çox kino ustası kimi tanıdığı İbrahimbəyovun 2 nəsr əsərinin daxil edildiyi kitabın təqdimatını keçirməyi nəşriyyata təklif etmişdir.
2020-ci ilin axırında yaradılan “Nestor”yayınları indiyə qədər Ahmet Ağaoğlu,Məhəmməd Əmin Rəsulzadə, Mirzə Bala Məmmədzadə,Vaqif Sultanlı, İsa Hüseynov, Əkrəm Əylislinin əsərləriylə yanaşı Aslan İsmayılovun “Sumgayıt: Sovyetlerin çöküş sürecinin başlangıcı” və d. kitabları çap etmişdir. Nəşriyyat yaxın gələcəkdə dünya nəsrinin böyük ustası Çingiz Hüseynovun “Fətəli fəthi” romanını, Maqsud İbrahimbəyovun “Ondan yaxşı qardaş yox idi”, ”Truskavetsə kim gedəcək”, Əkrəm Əylislinin “Kür qırağının meşələri”, ”Ürək yaman şeydir” povestlərini və d.yazarların əsərlərini çap etməyi planlaşdırır. –0—
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz