![AŞPA Azərbaycanda insan hüquqları üzrə yeni məruzəçi təyin edib](https://turan.az/resized/media/2016/main/030900149273-750-500-resize.webp)
AŞPA Azərbaycanda insan hüquqları üzrə yeni məruzəçi təyin edib
AŞPA-nın hüquq məsələləri və insan hüquqları komitəsi martın 7-də Parisdə keçirilən iclasda Azərbaycanda insan hüquqları üzrə yeni məruzəçi təyin edib.
AŞPA prezidenti olan Pedro Aqramuntun yerinə Belçikalı parlamentari Alen Destekse yeni məruzəçi olub, bu barədə Turan-a AŞ-dakı mənbə bildirib.
Destekse insan hüquqları sahəsində ekspert kimi məşhurdur. Xüsusən, o, Ruanda soyqırımı haqqında kitabın müəllifidir. Destekse orada beynəlxalq qeyri-kommersiya təşkilatının missiyasında işləyib.
Qeyd edək ki, AŞPA-nın insan hüquqları üzrə məruzəçi institutu 2014-cü ilin iyununda vətəndaş cəmiyyəti fəallarının Azərbaycanda siyasi məhbuslar üzrə məruzəçi vəzifəsini bərpa etmək çağırışlarından sonra təsis edilib.
Xüsusən, 23 iyun 2014-cü ildə AŞPA bürosu “Azərbaycanın Avropa Şurasında sədrliyi: insan hüquqlarına hörmət nöqteyi-nəzərdən hansı addımlar atılır?” adlı qətnamə layihəsini təqdir edib. Bu qərar əsasında “Azərbaycanda siyasi məhbuslar haqqında qətnamə üzrə təklif” sənədi qəbul edilib.
Bu zaman ölkədə siyasi məhbuslar məsələsi baxılması üçün AŞPA-nın insan hüquqları komitəsinə təqdim edilib.
İyunun 25-də AŞPA-nın hüquq məsələləri və insan hüquqları komitəsində Azərbaycanda siyasi məhbuslar məsələsi müzakirə olunub. Azərbaycan nümayəndə heyətinin etirazı ilə əlaqədar siyasi məhbuslar problemi vurğulanmadan, ümumilikdə insan hüquqları üzrə məruzəçi təyin etmək qərara alınıb.
Azərbaycanda insan hüquqlarının pozulmasının tənqidçisi, İrlandiyalı deputat Maykl MakNamara məruzəçi vəzifəsinə Niderlandlı Pieter Omtsiqti təklif edib. Alternativ namizəd İspaniyalı deputat Pedro Aqramunt olub və o, səs çoxluğu ilə seçilib.
Bundan bir neçə həftə sonra Azərbaycanda QHT-lərə qarşı AŞ ölkələrində misli görünməmiş repressiyalar dalğası başlayıb, onlarla təşkilat istintaqa cəlb edilib, aparıcı hüquq müdafiəçiləri isə həbs edilib.
Ötən iki ildə Aqramunt insan hüquqları üzrə məruzəçi kimi Azərbaycana gəlməyib və faktiki olaraq, məruzə hazırlanmasını sabotaj edib.
Lakin beynəlxalq ictimaiyyətin Azərbaycanda insan hüquqları sahəsində vəziyyəti amansız tənqid etməsi fonunda AŞPA nəhayət yeni məruzəçi təyin edib. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz