ATƏT-in Minsk Qrupu: Azərbaycan və Ermənistan XİN rəhbərlərinin yeni görüşü dekabrda ola bilər
Bakı/16.10.19/Turan: Azərbaycan və Ermənistan XİN rəhbərlərinin yeni görüşü bu ilin dekabrında Slovakiyada ATƏT XİN rəhbərlərinin sammiti çərçivəsində baş tuta bilər. Bu barədə ATƏT-in Minsk Qrupunun rusiyalı həmsədri İqor Popov jurnalistlərə bildirib.
Sputnik-Armenia məlumat verib ki, ATƏT-in Minsk Qrupunun həmsədrləri ötən gün Qarabağa gediblər və tanınmamış respublikanın rəhbərliyi ilə danışıqlar aparıblar.
İ.Popov deyib ki, görüş zamanı Zöhrab Mnatsakanyan və Elmar Məmmədyarovun bu ilin sentyabrında Nyu-Yorkda keçirdikləri danışıqların yekunlarını təqdim ediblər. O bildirib ki, mart ayında Vyanada Ermənistan və Azərbaycan liderlərinin müzakirə etdikləri humanitar məsələlərə dair öz yanaşmalarını təqdim ediblər. "Biz əsasən saxlanılan şəxslərin mübadiləsinin təşkili məsələsinə toxunduq. Bu mənada bir neçə ideyamız var, onların reallaşması üzərində iş davam edir. Bu yaxınlarda Cenevrədə olduq, Beynəlxalq Qırmızı Xaç Komitəsinin sədri Piter Mauer ilə görüşdük, bu mövzuda söhbət etdik", - Popov bildirib.
Oktyabrın 17-də həmsədrlər Bakıda danışıqlar aparacaqlar.-02D-
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz