Bakı/22.10.19/Turan: Rəsmi Bakının "ermənipərəst qüvvələrin sifarişini yerinə yetirdiyini" iddia etdiyi müxalifətə qarşı mübarizəyə başı qarışan hakimiyyət, görünür, erməni qüvvələrin özlərini unudub.
Hər il fevralın 25-26-da Azərbaycan Baş Prokurorluğunun yüksək vəzifəli işçiləri təntənəli olaraq Xocalı soyqırımının təhqiqatının davam etdiyini, erməni cinayətkarların məsuliyyətə cəlb edilmələri məqsədilə fəal şəkildə axtarıldığını bəyan edir. Amma nədənsə iş bəyanatdan o tərəfə keçmir.
Hələ 2009-cu ilin fevralında Azərbaycan hərbi prokurorunun müavini İlham Məmmədov mətbuata müsahibəsində bildirib ki, Xocalıda kütləvi qətllər haqqında cinayət işi soyqırım aktı kimi tövsif edilib.
"Xocalının dinc sakinlərinin kütləvi qətlində bilavasitə iştirak etmiş şəxslərə, o cümlədən keçmiş sovet ordusunun 366-cı alayının hərbiçilərinə qarşı ittiham irəli sürməyə əsasə verən dəlillər toplamağa müvəffəq olmuşuq.
Onlar hamısı cinayət məsuliyyətinə cəlb edilib, materiallar isə İnterpola göndərilib.
İnterpol irəli sürülmüş ittihamlarla razılaşıb və Azərbaycan Respublikasının beynəlxalq cinayət törətmiş şəxslərin saxlanılması üzrə istiqamətləndirmələrini qəbul edib və onları yayıb", deyə İlham Məmmədov bildirib.
Amma faciədən 27 il ötməsinə baxmayaraq, 38 nəfərdən ibarət siyahıdan heç kim məsuliyyətə cəlb edilməyib. Ya İnterpol öz öhdəliklərini unudub, ya da Azərbaycan prokurorluğunun təqdim etdiyi siyahını itirib.
Amma, məsələ ondadır ki, İnterpolun saytında Azərbaycanın sorğusu əsasında axtarılan şəxslər siyahısında həmin hərbi cinayətkarlar yoxdur.
İlham Məmmədova və digər müstəntiqlərə inansaq, Xocalı şəhərinə hücum əməliyyatına 366-cı alayın 2-ci batalyonunun komandiri Seyran Ohanyan, 3-cü batalyonun komandiri Yevgeni Nabokix, 1-ci batalyonun qərargah rəisi Valeri Çitçyan rəhbərlik edib.
Dinc əhalinin qətlində alayın hərbiçiləri Slavik Arutyunyan, Andrey İşxanyan, Sergey Beqlaryan, Movses Akopyan, Qriqori Kisebekyan, Vaçik Mirzoyan, Vaçaqan Ayriyan, Aleksandr Ayrapetyan və başqaları fəal iştirak ediblər.
Amma, görünür, Bakının bu cinayətin əsas iştirakçılarından birini - Seyran Ohanyanı saxlamaq şansı yaranıb. Ermənistan KİV-lərinin məlumatına görə, oktyabrın 21-də o, müalicə üçün Almaniyaya gedib. Bundan başqa, o, ildə iki dəfə bu ölkəyə gedir, Almaniya klinikalarından birində icbari tibbi müayinədən keçir.
Bəlkə də Azərbaycan prokurorluğu İnterpola bu hərbi cinayətkarı saxlamaq zərurətini xatırlatmalıdır... -02B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz