Bakıda Qlobal Forum açılıb

Bazar günü Bakıda dövlət başçısı İlham Əliyevin iştirakı ilə İkinci Qlobal Açıq Cəmiyyətlər Forumun açılıb.

Tədbiri Misirin İsgəndəriyyə Kitabxanasının direktoru, Nizami Gəncəvi Beynəlxalq Mərkəzinin həmsədri İsmail Serageldin açıb.

Dövlət başçısı Forumun açılışında çıxış edib.

Sonra Finlandiyanın  keçmiş prezidenti, Nizami Gəncəvi Beynəlxalq Mərkəzinin İdarə Heyətinin və Madrid Klubunun üzvü xanım Tarya Halonen, Latviyanın sabiq prezidenti, Nizami Gəncəvi Beynəlxalq Mərkəzinin həmsədri və Madrid Klubunun prezidenti xanım Vayra Vike-Freyberqa çıxış ediblər.

Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi, Madrid Klubu və Roma Klubunun təşkilatçılığı ilə, Dünya Elm və Mədəniyyət Akademiyası, BMT, İsgəndəriyyə Kitabxanası və digər təşkilatların birgə əməkdaşlığı çərçivəsində keçirilən tədbirdə 57 ölkədən 200-dək nüfuzlu ictimai-siyasi xadim, rəsmi şəxs, ekspert və elm adamı iştirak edir.

Forumun gündəliyinə açıq cəmiyyətlərin əhatə dairəsi və əsasları, iqtisadi dayaqlar, mürəkkəb vəziyyətlərdə münaqişələrin həlli üsulu, davamlı inkişaf prosesinin təmin edilməsi üçün multi idarəetmə və institusional çərçivəyə olan ehtiyac və digər mühüm məsələlərin müzakirəsi daxildir.

Forum işini sessiyalarla davam etdirir.-02D