İsrail XİN rəhbəri Aviqdor Liberman aprelin 30-da Bakıya ikigünlük səfərə gələcək. Bu barədə Turan-a İsrailin Azərbaycandakı səfirliyindən bildirilib. Səfərin yekinları ilə bağlı mayın 1-də mətbuat konfransı keçiriləcək.
İsrail mənbələrinin məlumatına görə, səfər proqramına prezident İlham Əliyev və XİN rəhbəri Elmar Məmmədyarovla görüşlər daxildir.
Danışıqlar zamanı iki ölkə arasında müxtəlif sahələrdə - kənd təsərrüfatı, səhiyyə, müdafiə sənayesi və qarşılıqlı səfərlərin sadələşdirilməsi - əməkdaşlıq məsələləri müzakirə olunacaq.
Fələstin probleminə ayrıca baxılacaq. İran-Azərbaycan münasibətlərinə də toxunulacağı istisna olunmur. Belə ki, son zaman canlanan əlaqələr İsraili narahat etməy bilməz.
Bu, Libermanın son iki ildə Bakıya ikinci səfəri olacaq. Qeyd edək ki, İsrail şirkətləri Azərbaycanla kommunikasiya və rabitə, həmçinin hərbi sahədə fəal əməkdaşlıq edir. Hazırda İsrail Azərbaycan ordusu üçün əsas silah tədarükçülərindən biridir.-02В-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz