BEYNƏLXALQ PARTNYORLUQ QRUPU: AZƏRBAYCAN HAKİMİYYƏTİ SÖZ AZADLIĞINI BOĞMAĞA SON QOYMALI VƏ HƏBSDƏ OLAN JURNALİSTLƏRİ AZAD ETMƏLİDİR

    Artikl 19, Freedom Haus, Senzura İndeksi, Beynəlxalq Jurnalistlər Federasiyası, Media müxtəlifliyi İnstitutu, Açıq Cəmiyyət Fondu, Mətbuat İndi, Sərhədsiz Reportyorlar, Ümumdünya qəzetlər və xəbərlər Assosiasiyasının nümayəndələrindən ibarət beynəlxalq missiya bu gün Azərbaycana üçgünlük səfərin yekunlarına görə birgə bəyanat qəbul ediblər.
     «Azərbaycanda jurnalistlər, blogerlər və fəallar ciddi və sistemli təqibə məruz qalırlar, öz işlərini hakimiyyət tərəfindən daimi düşmənçilik şəraitində yerinə yetirirlər», deyə bəyanatda qeyd edilib.
     Ölkədə illərlə davam edən bu vəziyyətin nəticəsi kimi söz azadlığının kəskin pisləşməsi müşahidə olunur və bu, parlament seçkiləri ərəfəsində daha da pis ola bilər», deyə bəyanatda qeyd edilib.
     Bu vəziyyətə təsir edən amillər sırasında jurnalistləri təqib edənlərin və qətlə yetirənlərin cəzalandırılmaması, dövlətin mətbuatın işlərinə qarışması və onu nəzarəti altına götürmək cəhdi, mediaya iqtisadi təzyiq və nəzarət vasitələri, qanunvericiliyin sərtləşdirilməsi, böhtana görə cinayət təqibinin olması və s. qeyd edilib.
     Beynəlxalq missiya ölkə hakimiyyətini:
     - həbsdə olan üç jurnalisti dərhal və qeyd-şərtsiz azad etməyə;
     - gələcəkdə belə həbslərə yol verməməyə;
     - mətbuata qarşı bütün təzyiq və təqib faktlarının dərhal və obyektiv araşdırmağa;
     - diffamasiyaya görə cinayət məsuliyyətini ləğv etməyə;
     - dövlət reklamını ədalətli və düzgün bölüşdürməyə;
     - müstəqil və şəffaf mediaya dəstək fondu yaratmağa;
     - yayığ məsələlərinin tənzimlənməsi üzrə müstəqil qurum yaratmağa;
     - yerli tezliklərdə xarici stansiyaların yayımına qoyulmuş qadağanı ləğv etməyə;
     - İnternet infrastrukturuna kapital qoymağa və İnternetə çıxışı yaxşılaşdırmağa;
     - seçkilər dövründə bütün namizədlərin elektron KİV-ə bərabər çıxışını təmin etməyə və s. çağırıb.
     Missiyanın səfərinin yekunlarına dair daha müfəssəl hesabat bir həftə sonra açıqlanacaq.