FRONTLINE DİSKUSSİYA KLUBUNUN AÇILIŞI

    Sentyabrın 8-də axşam «İbrus» teatrının binasında Frontline diskussiya klubunun açılışı olub. Yeni klub fikir mübadiləsi və çıxışlar, ən mühüm və əhəmiyyətli məsələlərin ictimaiyyətin diqqətinə çatdırılması üçün meydan kimi nəzərdə tutulub.
     Frontline təşkilatı 2001-ci ildə Dublində bütün dünyada hüquq müdafiəçilərinin və Ümumdünya İnsan Haqları Bəyannaməsinə riayət olunması uğrunda mübarizə aparan hər kəsin müdafiəsi üçün təsis edilib.
     Təşkilat risk vəziyyətində hüquq müdafiəçilərinə təcili təcrübi dəstək göstərir, o cümlədən gün ərzində 24 saat işləyən təcili yardım telefon xətti vasitəsilə. Habelə hüquq müdafiəçilərinin fəaliyyətinə diqqət cəlb edilməsinə və onlara qarşı təhlükələrin tanınmasına yardım edir. Frontline hüquq müdafiəçilərinin təhlükəsizliyinin təmin edilməsi, maraqlarının təmsil edilməsi üçün kiçik qrantlar ayırır, fövqəladə hallarda isə onların müvəqqəti olaraq təhlükəsiz yerə köçməsinə yardım edir.
     Təşkilat ayrı-ayrı ölkələrdə vəziyyət haqqında araşdırmalar aparır və hüquq müdafiəçiləri üçün sorğu materialları və təlim-metodik vəsaitlər hazırlayır, qarşılıqlı fəaliyyət qurulmasına və təcrübə mübadiləsinə kömək edir.
     Frontline öz işini BMT Baş Katibinin hüquq müdafiəçiləri üzrə xüsusi nümayəndəsi ilə əlaqələndirir və BMT İqtisadi və Sosial Şurası yanında konsultativ statusa malikdir.
     Açılış mərasimində iştirak edən Azərbaycanın KİV nümayəndələri ölkədə söz və ifadə azadlığı sahəsində məhdudiyyətlər nəzərə alınmaqla, yeni klubun öz vəzifələrinin öhdəsindən gələcəyinə ümid etdiklərini deyiblər.
     Sonra daşqın zonasında vəziyyət haqqında ilk dialoq keçirilib. «Kür» ictimai birliyi tərəfindən hazırlanmış videofilm təqdim edilib və zərərçəkmiş rayonların sakinlərinin çıxışları dinlənilib.