Blinkenin Lavrovla görüşü heç nəyi dəyişdirməyib – Dövlət Departamenti
Vaşinqton/03.03.23/Turan: Cümə axşamı ABŞ-ın dövlət katibi Entoni Blinken Hindistanda G20 nazirlərinin görüşü çərçivəsində rusiyalı həmkarı Sergey Lavrovla qısa görüş keçirib.
“Bu, səkkiz dəqiqəlik, kifayət qədər qısa görüş olub. Səkkiz dəqiqə ərzində son 16 ay ərzində formalaşmış anlayışı dəyişdirə biləcək nə isə deyilə və ya çatdırıla biləcəyini düşünmürəm”, deyə Dövlət Departamentinin rəsmi nümayəndəsi Ned Prays cümə axşamı keçirilən brifinqdə bildirib.
Bu, Rusiyanın Ukraynaya müdaxiləsindən sonra diplomatlar arasında ilk üzbəüz söhbət olub. Praysın sözlərinə görə, tərəflər üç mövzuya toxunublar: Strateji Hücum Silahları haqqında yeni müqavilə, ABŞ vətəndaşı Pol Uilanın Rusiyada qanunsuz saxlanması və Ukrayna prezidenti Zelenskinin sülh təklifləri.
Dövlət katibi “bütün dünya ölkələrinin istədiyi ədalətli və möhkəm sülhə çağıran prezident Zelenskinin 10 bənddən ibarət təklifləri haqqında danışıb.
ABŞ prezident Zelenskinin təkliflərini həyata keçirməyə kömək etmək üçün əlindən gələni etməlidir”, deyə Prays Turan-ın suallarına cavabda bildirib.
“Rusiyanın bizim prezident Zelenskinin təkliflərini dəstəklədiyimizi, BMT Nizamnaməsindəki prinsiplərə inandığımızı və Ukrayna da daxil olmaqla, bütün dünyadakı tərəfdaşlarımızla birlikdə nəticə əldə etmək üçün əlimizdən gələni edəcəyimizi bilməyini vacib hesab edirik”, deyə o qeyd edib. 0
-
- Maliyyə
- 3 Mart 2023 11:21
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz