Bu gün «Qarşıda duran parlament seçkilərində KİV-in rolu» haqqında dəyirmi masanın yekun hissəsində çıxış edən Cankorel dörd tövsiyyə irəli sürüb.
Birinci tövsiyyə namizədlərin İctimai TV-də çıxışı üçün pulsuz efir vaxtının həftədə 3 saatdan ən azı 6 saata qədər artırılmasını nəzərdə tutur (hazırda bu 3 saatın 1,5 saatı tele- və 1,5 saatı radioyayımın payına düşür).
İkinci tövsiyyə siyasi partiya nümayəndələrinin xəbərlər proqramlarında çıxışı mümkünlüyünü nəzərdə tutur. Dəyirmi masada müzakirələr zamanı «Müsavat» Partiyasının sədri İsa Qəmbər qeyd edib ki, İTV xəbərlər proqramlarında müxalifətə məhəl qoymur.
Cankorel seçkilərin pulsuz işıqlandırılması prosesinə səhmlərinin 100%-i dövlətə məxsus olan Azərbaycan Televiziyasının (AzTV) cəlb edilməsinin tərəfdarı olduğunu bildirib.
Üçüncü tövsiyyədə Seçki Məcəlləsinin 77.1-ci maddəsinə AzTV-nin üzərinə namizədlər üçün pulsuz efir vaxtı ayırmaq öhdəliyi qoyan düzəliş edilməsi zərurəti qeyd edilir.
Və nəhayət, ATƏT-in yerli ofisinin rəhbəri tele- və radiokanallara namizədlərin debatlarının və platformalarının işıqlandırılması üçün əlverişli şərait yaratmağı tövsiyyə edib.
Dəyirmi masaya yekun vuran Cankorel aparılan müzakirələrin səmərəli və məhsuldar olduğunu qeyd edib. Tədbirdə siyasi partiyaların, KİV-in, QHT və beynəlxalq qurumların nümayəndələri iştirak ediblər.-0-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz