Bu zaman Klinton qeyd edib ki, Azərbaycan mühüm strateji coğrafi mövqeyi və zəngin resursları olan bir ölkədir. Bununla belə, o, 21-ci əsrdə «dialoq və inteqrasiya üçün açıq olan» dövlətlərin uzunmüddətli inkişaf edəcəyi barədə fikir bildirib.
Klinton qeyd edib ki, ABŞ dövlət katibi kimi onun prioritetləri demokratiyanı, azadlığı, gəncləri, ictimai fəallığı, o cümlədən İnternetdə azadlığı dəstəkləməkdir. Onun sözlərinə görə, İnternet ünsiyyət üçün yeni imkanlar açır və ünsiyyət coğrafiyasını genişləndirir. «İnsanların ünsiyyət texnologiyası dəyişə bilər, amma ABŞ-ın söz azadlığına sadiqliyi dəyişməz olaraq qalır», deyə Klinton qeyd edib.
O, həmçinin bildirib ki, görüşə «yalnız danışmaq üçün deyil, həm də gəncləri dinləmək üçün» gəlib.
Klinton Azərbaycanda blogerlər Emin Milli və Adnan Hacızadənin həbsi ilə bağlı ona və prezident Barak Obamaya çox sayda məktub gəldiyini bildirib. O qeyd edib ki, bu məsələni Azərbaycan rəhbərliyi ilə müzakirə edib.
Bu məsələyə həmçinin gənclərlə mətbuatın iştirakı olmadan aparılan müzakirələr zamanı toxunulub.
Görüş iştirakçılarından birinin verdiyi məlumata görə, Klinton blogerlərin yaxın gələcəkdə azad ediləcəyinə ümid etdiyini bildirib.
Mənbənin məlumatına görə, Klinton həmçinin ABŞ administrasiyasının söz azadlığı və demokratiyanı dəstəklədiyini bildirərək, hökumət və gənclər arasında dialoq olmasının vacibliyini vurğulayıb.
Azərbaycana münasibətdə ayrıseçkilik yaradan Azadlığa Dəstək Aktına 907-ci düzəlişin tamamilə ləğvi məsələsinə toxunan Klinton qeyd edib ki, artıq 8 aydır ki, ABŞ administrasiyası bu məsələ üzərində işləyir.
Eyni zamanda, o gənclərə bildirib ki, Qarabağ separatçılarına 10 mln. dollar məbləğində yardım göstərilməsi Konqressin səlahiyyətlərinə aiddir və Dövlət Departamentinin bu qərarla heç bir əlaqəsi yoxdur. O, həmçinin qeyd edib ki, ABŞ ATƏT-in Minsk qrupunda Qarabağ münaqişəsinin nizamlanması üçün əlindən gələni edəcək.-0-
Siyasət
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
-
İran yüksək dağlıq ərazidə yerləşən Gilan əyalətində 800 km mənzilli yeni üfüqüstü radar quraşdırıb. O, ölkənin şimal hava məhakının monitorinqi üçün nəzərdə tutulub və İran HHM sisteminə inteqrasiya olunub, xəbəri İranın ISW nəşri yayıb.
Rəy yaz