Oktyabrın 4-də xəstəxanada mətbuat konfransı keçirən Faiq Ağayev toplaşanlara bildirdi ki, Rüfət Məlikovun (Ağayevi bıçaqla vuran şəxs) qardaşı Bəhruz bir ay onu təqib edib. Sonradan baş verənlər isə (hücum) bütün bunların planlaşdırılmış sui-qəsd olmasından sübut edir.
Lakin müğənni onun izlənməsinin və həyatına qəsdin səbəblərini izah etməyib.
İkinci sensasion xəbər isə odur ki, Ağayevi bıçaqla deyil, sınıq butılka ilə yaralayıblar və bunu da maşında Rüfətlə birlikdə olan qadın törədib.
Lap elə bil beynəlxalq terrorçular Azərbaycan mədəniyyətinə qarşı qəsd törədiblər!
Bu məntiqlə yanaşsaq, növbəti "etirafı" proqnozlaşdırmaq olar: Məlikov qardaşları mütəşəkkil cinayətkar qrupa daxil olub və ermənilərlə əlbir olan Azərbaycanın düşmənləri bu qrupu maliyyələşdirib. Çünki Azərbaycan estradasının nailiyyətləri onlara rahatlıq vermir, gözlərini deşir. Odur ki, onlar Neft Akademiyasından sonra Azərbaycana növbəti dəhşətli zərbəni vurmaq qərarına gəliblər.
Şou-biznesdə (çox zaman siyasətdə də) ən əsası faktın özü və ya hadisə yox, onun necə təqdim olunması, çatdırılmasıdır. İndiki vəziyyətdə proses elə bu ssenari üzrə inkişaf edir. Səhərdən axşama kimi klub və çayxanalarda mədəni istirahət edən istedadlı müğənni
mütəşəkkil qrup tərəfindən təqib olunur. Onun gərgin işdən sonra dincəlməsinə imkan vermirlər. Buna baxmayaraq, müğənni bu yazıq və bədbəxt adama (Bəhruza)sədəqə verirmiş və bu yaxşılığın qarşılığında bu cür yaramazlıqla üzləşib (amma kasıb Bəhruzun Ağayevin dalınca gecə klublarına və restoranlara hansı pullarla getməsi məlum deyil).
Daha bir sensasiya - Ağayevin ona və onu müşayiət edən adamlara dəyən zərbələrin sayı və xarakteri barədə dedikləri indiyədək həkimlərin və istintaqın dediklərinə ziddir. Belə ki, istintaq zərbələrin bıçaqla vurulduğunu və yaraların Ağayevin dediklərindən az olduğunu bildirib.
Bu nə deməkdir? Bəlkə Ağayev xəstəxanada olduğunu unudub və elə bilir ki, şou-kanallardan birinə müsahibə verir?
Düzdür, Ağayev bəzi məqamları etiraf edib. Belə ki boynuna alib ki, öz maşınında onu incidənləri təqib edib və onların özlərini nə üçün belə pis apardığını soruşub. Lakin görünür, Kubinka sakinləri belə rəftara öyrəşməyiblər və həddindən artiq mədəni davranışı təhqir kimi qəbul ediblər...
Amma Eybi yoxdur, Ramil Usubov onlara dərs keçər.
Şahin Hacıyev
Söz istəyirəm
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
-
Bizim cəmiyyətdə işıqlı insanların yeri günəşin altı olmur. Bizim cəmiyyətdə işıqlı insanların yeri günəşin altı olmur. Qaranlıq zirzəmilər olur. İşıq saçmalı olan insanlara küfr yağdırılır. Onların yeganə silahları parlaq ideyalarıdır. Onların yeganə suçu cəmiyyətdə dumanların altında gizlədilmiş həqiqətləri dartıb üzə çıxarmaq və onunla cəmiyyət üzvlərini tanış etmək cəsarəti ilə bağlıdır. Natiq Cavadlı bir jurnalist olaraq belə bir tarix şüuruna və maarifçi bir fəaliyyətə malik insan idi.
-
2025-ci ilin qarşılandığı və Dünya Azərbaycanlılarının Həmrəyliyi Günü qeyd edildiyi müddətdə səfir Libby-nin bu mesajını sizinlə paylaşmaqdan məmnunuq.
-
Tanınmış hüquqşünas və media eksperti Ələsgər Məmmədli 2024-cü ilin mart ayından bəri saxlanıldığı həbsxanadan Azərbaycanlıların Həmrəylik Günü və Yeni il münasibətilə vətəndaşlara müraciət edib. Valyuta qaçaqmalçılığı ittihamı ilə həbs olunan Məmmədli bu ittihamları rədd edib və beynəlxalq media və insan hüquqları təşkilatları ittihamları siyasi motivli adlandırıb.
Rəy yaz