Bakı/18.10.19/Turan: Siyasi mühacirlərin "Demokratik Azərbaycanı Seç" (DAS) təşkilatı oktyabrın 17-də Kölndə Azərbaycandakı siyasi məhbuslarla həmrəylik aksiyası keçirib. Aksiya "Kölnische Rundschau", "Kölner Stadt-Anzeiger" və "Express" nəşrlərin redaksiyaları qarşısında keçirilib.
Mitinqin təşkilatçılarından biri İntiqam Xudiyevin bildirdiyinə görə, aksiyanın məqsədi alman mətbuatının diqqətinin Azərbaycanda siyasi məhbuslar probleminə və bütünlükdə ölkədə insan hüquqları pozuntularına cəlb etməkdən ibarət idi.
Aksiya iştirakçısı son günlər Azərbaycanda müxalifətçilərin inzibati həbslərini pisləyiblər.
Toplaşanlar həmçinin Azərbaycanda "məmur özbaşınalığını və qanunsuzluğu" pisləyiblər.
DAS son vaxtlar AFR-in müxtəlif şəhərlərində aparıcı nəşrlərin diqqətini Azərbaycanda insan hüquqları və siyasi məhbuslar probleminə çəkmək üçün onların redaksiyaları qarşısında aksiyalar keçirir.
"Alman jurnalistlərdən siyasi məhbuslara dəstək" şüarı altında keçirilən kampaniya iyunun 28-də start götürüb.
Artıq AFR-in bir sıra şəhərində aksiyalar keçirilib. -06D-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz